بيىل شىمكەنت قالاسىندا ەلوردا كۇنى مەرەكەسىنە وراي اشىلعان “ۆيكتوريا” وڭالتۋ ورتالىعى قازىر تاۋلىك بويى جۇمىس ىستەيدى.
اۋرۋحانادان شىققان ناۋقاستار بىردەن وڭالتۋ ەمىن قابىلداي الادى. دارىگەرلەر وڭالتۋ ورتالىعىنىڭ قالا تۇرعىندارى ءۇشىن ماڭىزى زور ەكەنىن ايتادى.
جاڭادان اشىلعان ەمدەۋ مەكەمەسى 120 ورىنعا لايىقتالعان. مۇنداعى قىزمەتتىڭ بارلىق ءتۇرى تەگىن كورسەتىلەدى.
ناقتىراق ايتقاندا، ورتالىقتا نەۆرولوگيالىق، نەيروحيرۋرگيالىق، ورتوپەديالىق، تراۆماتولوگيالىق بەيىندەگى جانە كۇندىزگى ستاتسيوناردا 18 جاستان اسقان ناۋقاستاردى قالپىنا كەلتىرۋ جانە مەديتسينالىق وڭالتۋ ەمدەرى جۇرگىزىلەدى. بۇل ورتالىقتىڭ ەرەكشىلىگى، اۋرۋحانادان شىعارىلعان ناۋقاستار كەدەرگىسىز ەم قابىلداۋعا مۇمكىندىگى بار.
ورتالىقتاعى مەديتسينالىق كومەك مىندەتتى الەۋمەتتىك مەديتسينالىق ساقتاندىرۋ پاكەتى شەڭبەرىندە تەگىن كورسەتىلەتىن بولادى. سونداي-اق، مۇندا مەديتسينا قىزمەتكەرلەرى ءۇشىن 120 جۇمىس ورنى اشىلدى.
