رەسەيدىڭ قازاقستانداعى ەلشىسى الەكسەي بوروداۆكين قازاقستانعا اتوم ەلەكتر ستانتسياسىن سالۋ ءۇشىن «روساتوم» كورپوراتسياسىن تاڭداۋعا كەڭەس بەردى، دەپ حابارلايدى «ادىرنا» ءتىلشىسى.
«مەنىڭ ويىمشا، قازاقستان وسى ەلەكتر ستانتسياسىنىڭ مەردىگەرى جانە قۇرىلىسشىسى رەتىندە «روساتوم»-دى تاڭداسا، ۇتىلمايدى»، – دەدى ول.
ەلشى ءوز سوزىندە ەلىمىزدە ەلەكتر ەنەرگياسىنىڭ تاپشىلىعى بايقالاتىنىن اتاپ ءوتتى.
«قازاقستان ەنەرگەتيكاسىن جەدەل دەكاربونيزاتسيالاۋ – بۇل ەل الدىندا تۇرعان ەڭ وزەكتى مىندەتتەردىڭ ءبىرى. سوندىقتان بۇل ماسەلەنىڭ ەڭ دۇرىس جانە ءتيىمدى شەشىمى اەس سالۋ بولاتىنىن ءتۇسىنىپ، قابىلداۋ قاجەت. رەسەيدىڭ "روساتوم" مەملەكەتتىك كورپوراتسياسى بۇل ءىستى قولعا الۋعا دايىن. ونىڭ اەس سالۋدا ۇلكەن تاجىريبەسى بار. ولار بەلارۋسسيادا، تۇركيادا، ءۇندىستاندا، ۆەنگريادا، بانگلادەشتە، قىتايدا، فينليانديادا، ەگيپەتتە سالىنۋدا»،– دەدى بوروداۆكين.
«ادىرنا» ۇلتتىق پورتالى
