بۇگىن 9 جەلتوقساندا تۇركى مەملەكەتتەرى ۇيىمى (تمۇ) اقساقالدار كەڭەسىنىڭ تۇركيا تاراپىنان مۇشەسى بينالي يىلدىرىم حالىقارالىق تۇركى اكادەمياسىنا ارنايى كەلدى.
قازاقستانعا ەكى كۇندىك ساپارمەن كەلگەن مارتەبەلى مەيماندى اكادەميا باسشىسى دارحان قىدىرالى مەن تمۇ اقساقالدار كەڭەسىنىڭ قازاقستان تاراپىنان مۇشەسى يكرام ادىربەكوۆ قارسى الدى. قوناقتار الدىمەن ۇيىمنىڭ جاڭا عيماراتىمەن, باسىپ شىعارعان عىلىمي ەڭبەكتەرىمەن جانە تۇركى مۋزەيى جۇمىسىمەن تانىستى.
بۇدان كەيىن تاراپتار ەكىجاقتى كەزدەسۋ وتكىزىپ، تۇركى ينتەگراتسياسىنىڭ دامۋى, سونىمەن قاتار گۋمانيتاريا، ءبىلىم بەرۋ جانە عىلىم سالالارىنداعى ىنتىماقتاستىق ماسەلەلەرىن تالقىلادى.
ايتا كەتۋ كەرەك، تۇركيا رەسپۋبليكاسىنىڭ ەكس-پرەمەر-ءمينيسترى، تۇركيا ۇلى ۇلتتىق ءماجىلىسىنىڭ ەكس-توراعاسى بينالي يىلدىرىمقاراشا ايىندا ىستامبۇلدا وتكەن سامميتتە اقساقالدار كەڭەسىنىڭ مۇشەسى بولىپ تاعايىندالعان. سونىمەن قاتار، اقساقالدار كەڭەسىنىڭ قازاقستان تاراپىنان مۇشەسى بولىپ قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ ۇسىنىسىمەن بەلگىلى مەملەكەت جانە قوعام قايراتكەرى يكرام ادىربەكوۆ بەكىتىلدى.
كەلەلى كەزدەسۋگە تمۇ اقساقالدار كەڭەسىنىڭ تۇركيا تاراپىنان مۇشەسى بينالي يىلدىرىم,حالىقارالىق تۇركى اكادەمياسىنىڭ پرەزيدەنتى دارحان قىدىرالى، اقساقالدار كەڭەسىنىڭ قازاقستانتاراپىنان مۇشەسءى يكرام ادىربەكوۆ، تانىمال عالىم، پروفەسسور ءادىل احمەتوۆ، تۇركى مەملەكەتتەرى ۇيىمى باس حاتشىسىنىڭ ورىنباسارىومەر كوجامان، تۇركيانىڭ قازاقستانداعى توتەنشە جانە وكىلەتتى ەءلشىسى ۋفۋك ەكيجي،تانىمال جۋرناليست، دوكتور، پروفەسسور كۇرشاد زورلۋ, قر سىرتقى ىستەر مينيسترلىگى, تاياۋ، ورتا شىعىس جانە افريكا دەپارتامەنتى، كوپجاقتى ىنتىماقتاستىق باسقارماسىنىڭ باسشىسى مەرەي مۇقاجان، باسقا دا دەلەگاتسيا مۇشەلەرى قاتىستى.
كەزدەسۋ سوڭىندا بينالي يىلدىرىمدى ۇيىم باسشىسى دارحان قىدىرالى حالىقارالىق تۇركى اكادەمياسىنىڭ التىن مەدالىمەن ماراپاتتاپ، ارنايى قۇرمەت كورسەتتى. 2002-2016 جىلدارى تۇركيانىڭ كولىك، تەڭىز جولدارى جانە بايلانىس ءمينيسترى قىزمەتىن اتقارعان بينالي يىلدىرىمباۋىرلاس ەلدەر اراسىنداعى قارىم-قاتىناستىڭ نىعايۋىنا ەلەۋلى ۇلەس قوستى
