Búgin 9 jeltoqsanda Túrki memleketteri uıymy (TMU) Aqsaqaldar keńesiniń Túrkııa tarapynan múshesi Bınalı Iyldyrym Halyqaralyq Túrki akademııasyna arnaıy keldi.
Qazaqstanǵa eki kúndik saparmen kelgen mártebeli meımandy akademııa basshysy Darhan Qydyráli men TMU Aqsaqaldar keńesiniń Qazaqstan tarapynan múshesi Ikram Adyrbekov qarsy aldy. Qonaqtar aldymen uıymnyń jańa ǵımaratymen, basyp shyǵarǵan ǵylymı eńbekterimen jáne Túrki mýzeıi jumysymen tanysty.
Budan keıin taraptar ekijaqty kezdesý ótkizip, túrki ıntegraııasynyń damýy, sonymen qatar gýmanıtarııa, bilim berý jáne ǵylym salalaryndaǵy yntymaqtastyq máselelerin talqylady.
Aıta ketý kerek, Túrkııa Respýblıkasynyń eks-Premer-mınıstri, Túrkııa Uly Ulttyq Májilisiniń eks-tóraǵasy Bınalı Iyldyrymqarasha aıynda Ystambulda ótken sammıtte Aqsaqaldar keńesiniń múshesi bolyp taǵaıyndalǵan. Sonymen qatar, Aqsaqaldar keńesiniń Qazaqstan tarapynan múshesi bolyp Qazaqstan Respýblıkasynyń Prezıdenti Qasym-Jomart Toqaevtyń usynysymen belgili memleket jáne qoǵam qaıratkeri Ikram Adyrbekov bekitildi.
Keleli kezdesýge TMU Aqsaqaldar keńesiniń Túrkııa tarapynan múshesi Bınalı Iyldyrym,Halyqaralyq Túrki akademııasynyń prezıdenti Darhan Qydyráli, Aqsaqaldar keńesiniń Qazaqstantarapynan múshesi Ikram Adyrbekov, tanymal ǵalym, professor Ádil Ahmetov, Túrki memleketteri uıymy Bas hatshysynyń orynbasaryÓmer Kojaman, Túrkııanyń Qazaqstandaǵy Tótenshe jáne Ókiletti elshisi Ýfýk Ekıjı,tanymal jýrnalıst, doktor, professor Kúrshad Zorlý, QR Syrtqy ister mınıstrligi, Taıaý, Orta Shyǵys jáne Afrıka departamenti, Kópjaqty yntymaqtastyq basqarmasynyń basshysy Mereı Muqajan, basqa da delegaııa músheleri qatysty.
Kezdesý sońynda Bınalı Iyldyrymdy uıym basshysy Darhan Qydyráli Halyqaralyq Túrki akademııasynyń Altyn medalimen marapattap, arnaıy qurmet kórsetti. 2002-2016 jyldary Túrkııanyń kólik, teńiz joldary jáne baılanys mınıstri qyzmetin atqarǵan Bınalı Iyldyrymbaýyrlas elder arasyndaǵy qarym-qatynastyń nyǵaıýyna eleýli úles qosty
