قازاقستان مەن اقش 2023-2027 جىلدارعا ارنالعان اسكەري ىنتىماقتاستىق جوسپارىنا قول قويۋعا دايىندالىپ جاتىر، دەپ حابارلايدى "ادىرنا" ۇلتتىق پورتالى "kaztag.kz"-كە سىلتەمە جاساپ.
"نۇر-سۇلتاندا قازاقستان رەسپۋبليكاسى مەن امەريكا قۇراما شتاتتارىنىڭ قورعانىس ىستەرى جونىندەگى ۆەدومستۆولارىنىڭ ۇيلەستىرۋشى وفيتسەرلەرىنىڭ جۇمىس توبىنىڭ وتىرىسى ءوتتى. قورعانىس ۆەدومستۆولارىنىڭ وكىلدەرى 2022 جىلعا ارنالعان ەكىجاقتى اسكەري ىنتىماقتاستىق جوسپارىنىڭ جوباسىن تالقىلادى", - دەپ حابارلادى قر قورعانىس مينيسترلىگىنىڭ ءباسپاسوز قىزمەتى.
ەكى ەل اراسىنداعى ءوزارا ءىس-قيمىل ماسەلەلەرى بويىنشا نەگىزگى كۇش-جىگەر اسكەري ءبىلىم بەرۋ، بىتىمگەرشىلىك، ماتەريالدىق-تەحنيكالىق قامتاماسىز ەتۋ، كاسىبي اسكەري-مەديتسينالىق جانە ينجەنەرلىك كادرلاردى دايارلاۋ ماسەلەلەرىن شەشۋگە باعىتتالعان.
قورعانىس سالاسىنداعى ىنتىماقتاستىقتىڭ وسى جانە باسقا دا اسپەكتىلەرى قازىرگى ۋاقىتتا قول قويۋعا دايىندالىپ جاتقان 2023-2027 جىلدارعا ارنالعان ىنتىماقتاستىقتىڭ كەلەسى بەسجىلدىق جوسپارىندا كورسەتىلگەن.
قوس تاراپ جىل سايىنعى جۇمىس كەزدەسۋلەرىندە ساراپشىلار ەكىجاقتى اسكەري ىنتىماقتاستىقتى دامىتۋدىڭ ناقتى باعىتتارىن ەگجەي-تەگجەيلى تالقىلاپ، انىقتاي الاتىنىن اتاپ ءوتتى.
"ادىرنا" ۇلتتىق پورتالى
