Qazaqstan men AQSh 2023-2027 jyldarǵa arnalǵan áskerı yntymaqtastyq josparyna qol qoıýǵa daıyndalyp jatyr, dep habarlaıdy "Adyrna" ulttyq portaly "kaztag.kz"-ke silteme jasap.
"Nur-Sultanda Qazaqstan Respýblıkasy men Amerıka Qurama Shtattarynyń qorǵanys isteri jónindegi vedomstvolarynyń úılestirýshi ofıerleriniń jumys tobynyń otyrysy ótti. Qorǵanys vedomstvolarynyń ókilderi 2022 jylǵa arnalǵan ekijaqty áskerı yntymaqtastyq josparynyń jobasyn talqylady", - dep habarlady QR Qorǵanys mınıstrliginiń baspasóz qyzmeti.
Eki el arasyndaǵy ózara is-qımyl máseleleri boıynsha negizgi kúsh-jiger áskerı bilim berý, bitimgershilik, materıaldyq-tehnıkalyq qamtamasyz etý, kásibı áskerı-medıınalyq jáne ınjenerlik kadrlardy daıarlaý máselelerin sheshýge baǵyttalǵan.
Qorǵanys salasyndaǵy yntymaqtastyqtyń osy jáne basqa da aspektileri qazirgi ýaqytta qol qoıýǵa daıyndalyp jatqan 2023-2027 jyldarǵa arnalǵan yntymaqtastyqtyń kelesi besjyldyq josparynda kórsetilgen.
Qos tarap jyl saıynǵy jumys kezdesýlerinde sarapshylar ekijaqty áskerı yntymaqtastyqty damytýdyń naqty baǵyttaryn egjeı-tegjeıli talqylap, anyqtaı alatynyn atap ótti.
"Adyrna" ulttyq portaly