شىمكەنت قالاسىنداعى №6 بالالار ارناۋلى الەۋمەتتىك قىزمەتتەر كورسەتۋ ورتالىعىندا جارىقپەن ەمدەۋ ءتاسىلى ىسكە قوسىلدى. ورتالىققا جاڭادان ساتىپ الىنعان «بيوپترون» مەديتسينالىق قۇرالىنىڭ كومەگىمەن قىزمەت الۋشىلار اراسىندا تىنىس الۋ مۇشەلەرى مەن بۋىن، بۇلشىق ەتتەردىڭ اۋرۋلارىن ەمدەۋ مۇمكىن بولىپ وتىر.
«ورتالىقتىڭ مەديتسينالىق اپپاراتپەن قامتاماسىز ەتىلۋى ەمدىك شارالارىن جۇرگىزۋدە ۇلكەن كومەگىن تيگىزىپ وتىر. ماسەلەن، جارىقپەن ەمدەۋ ءادىسى قاۋىپسىز ءارى زات الماسۋ پروتسەستەرىن قالىپقا كەلتىرەدى، جارالاردىڭ جازىلۋىن جەدەلدەتەدى، يممۋندىق جۇيەنى نىعايتادى، ميكروتسيركۋلياتسيانى جاقسارتادى جانە اۋىرسىنۋ قارقىندىلىعىن ازايتادى. ورتالىقتا وعان قوسا ستوماتولوگيالىق كابينەتتىڭ ارنايى قۇرال-جابدىقتارى جاڭارتىلىپ، جوعارى ساپالى دەڭگەيدە ءتىس اۋرۋلارىن ەمدەۋدەمىز»،-دەيدى الەۋمەتتىك قىزمەتتەر كورسەتۋ ورتالىعىنىڭ دارىگەرى ە.بايعۇتوۆا.
جالپى، قالالىق جۇمىسپەن قامتۋ جانە الەۋمەتتىك قورعاۋ باسقارماسىنا قاراستى №6 ورتالىق جەكە كۇتىم جانە باقىلاۋدى قاجەت ەتەتىن 3 جاستان 18 جاسقا دەيىنگى پسيحونەۆرولوگيالىق اۋىتقۋلارى بار بالالارعا 8 باعىت بويىنشا قىزمەت كورسەتەدى. بۇگىنگى تاڭدا 135 بالاعا تاۋلىك بويى تۇراقتى ستاتسيونار جاعدايىندا جانە 95 بالاعا جارتىلاي ستاتسيوناردا قىزمەت كورسەتىلۋدە.
مەديتسينالىق قىزمەت كورسەتۋدەن بولەك، ەمدىك ماسساج، فيزيوتەراپيالىق ەم، پسيحولوگيالىق كومەك، مونتەسسوري ءادىسى قولدانىلىپ، قىزمەت الۋشى ءاربىر بالاعا الەۋمەتتىك-وڭالتۋ شارالارى جۇرگىزىلەدە. مۇمكىندىگى شەكتەۋلى بالالارعا ەمدىك شارالارىن كورسەتۋ ماقساتىندا ورتالىق جىل سوڭىنا دەيىن قوسىمشا 12 مەديتسينالىق اپپاراتپەن قامتىلاتىن بولادى.
شىمكەنت قالاسىندا بالالارعا ارنالعان ورتالىق جاڭا مەديتسينالىق قۇرالدارمەن تولىقتى
06.08.2021
1283
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз