ەلوردالىق 2-قاباتتان سۋبۇرقاققا سەكىرگەن (ۆيدەو)

2265
Adyrna.kz Telegram

نۇر-سۇلتاندا 19 جاستاعى جىگىت ساۋدا جانە ويىن-ساۋىق ورتالىعىنىڭ 2-قاباتىنان سۋبۇرقاققا سەكىرگەن، دەپ حابارلايدى "ادىرنا" ۇلتتىق پورتالى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ. 

"ەلوردانىڭ 19 جاستاعى تۇرعىنى دوستارىمەن باستەسىپ، ءبىرىنشى قاباتتاعى سۋبۇرقاققا سەكىرگەنى انىقتالدى. وقيعانى ساۋدا ورتالىعىنىڭ كەلۋشىلەرى كورگەن. استانالىقتى كۇزەتشىلەر ۇستاپ، پوليتسيا قىزمەتكەرلەرىنە تاپسىردى", - دەدى ۆەدومستۆو وكىلدەرى.

قوعامدىق ءتارتىپتى بۇزۋشى ەسىل اۋدانىنىڭ پوليتسيا بولىمىنە جەتكىزىلگەن. وعان قاتىستى قر اقبتك-ءنىڭ 434-بابى بويىنشا اكىمشىلىك ءىس قوزعالدى. مامانداندىرىلعان اۋدانارالىق اكىمشىلىك سوتتىڭ شەشىمى بويىنشا قۇقىقبۇزۋشى قاماۋعا الىندى.

"ۇستالعان ەر ادام بۇعان دەيىن دە ۇساق بۇزاقىلىق ءۇشىن جاۋاپقا تارتىلعانى انىقتالدى، ول الماتى مەتروسىندا مۋزىكانى قاتتى ويناتقان بولاتىن", - دەدى پوليتسيا وكىلدەرى.

 

"ادىرنا" ۇلتتىق پورتالى.

پىكىرلەر