اقتوبەلىكتەر تۇڭعىش پرەزيدەنت كۇنىن اتاپ ءوتتى

1046

بۇگىن اقتوبە قالاسىنداعى جەكپە-جەك سارايىندا تۇڭعىش پرەزيدەنت كۇنىنە ارنالعان «تاۋەلسىز ەل ەلباسى جولىمەن» اتتى سالتاناتتى شارا ءوتتى.

وعان وبلىس اكىمى وڭداسىن ورازالين، اقتوبە قالاسىنىڭ اكىمى اسحات شاحاروۆ، ارداگەرلەر، زيالى قاۋىم وكىلدەرى، مەملەكەتتىك مەكەمەلەردىڭ باسشىلارى، بەلسەندى جاستار جانە باق وكىلدەرى قاتىستى.

شارادا وبلىس اكىمى وڭداسىن ورازالين جينالعانداردى مەرەكەمەن قۇتتىقتاپ، ەلباسى، ۇلت كوشباسشىسى نۇرسۇلتان نازارباەۆتىڭ تاۋەلسىزدىگىمىزدىڭ نەگىزىن قالاپ، سىندارلى ساتتەردە سارابدال سايا­­ساتىمەن ەلدى سۇرىندىرمەي، دامۋدىڭ داڭعىل جولىنا جەتەلەپ، بۇكىل الەمگە تانىتا بىلگەندىگىن، تۇڭعىش پرەزيدەنت كۇنىنىڭ مەرەكە رەتىندە تويلانۋى — ەلباسىعا دەگەن ەرەكشە قۇرمەتتىڭ بەلگىسى، ەل بىرلىگىنىڭ جارقىن كورىنىسى ەكەنىن ايتا كەلىپ:

— وزدەرىڭىز جاقسى بىلەسىزدەر، مەن ەلباسىنىڭ جانىندا قاتار ءجۇرىپ، ون ەكى جىل بىرگە قىزمەت جاسادىم. ەلدىڭ قامى ءۇشىن تىنىمسىز ەڭبەگىنىڭ كۋاسى بولدىم. بۇگىنگى ءبىز كورىپ وتىرعان جەتىستىكتەردىڭ  قاي-قايسىسى بولسىن، وڭايلىقپەن كەلمەگەنىن كوزىممەن كوردىم. جەكە تۇلعا رەتىندەگى قاسيەتتەرىن دە ەرەكشە سەزىنگەن اداممىن. ال ەلباسىنىڭ الەمدىك دەڭگەيدەگى ساياسي تۇلعا ەكەندىگىن جاھاندىق قاۋىمداستىق الدەنەشە رەت مويىندادى.

مۇنىڭ ءبارى دە ءبىزدىڭ كوز الدىمىزدا بولعان جايتتار. الدىڭعى بۋىن وكىلدەرى — سول تاريحتىڭ ءتىرى كۋاگەرلەرى. ال بۇگىنگى جاستارىمىز مۇنى ەستە ۇستاۋى كەرەك، سونداي-اق ساباق الۋعا ءتيىس.

ءبىز وتىز جىل ىشىندە قازىرگىدەي جەتىستىكتەرگە ەلدىڭ اۋىزبىرشىلىگى مەن ىنتىماعىنىڭ، حالقىمىزدىڭ ەڭبەكقورلىعىنىڭ، ەلباسىمىزدىڭ تاباندىلىعى مەن ساليقالى ساياساتىنىڭ ارقاسىندا جەتتىك. كورسەتىپ بەرگەن جولىمەن جۇردىك. ەلدەگى ءوزارا تاتۋلىق — سونىڭ ناتيجەسى. ال بەرەكە-بىرلىك، ەلىمىزدىڭ  تىنىشتىعى مەن بۇتىندىگى — بارشامىزعا بەرىلگەن امانات. سوندىقتان الدا وسى اماناتقا بەرىك بولايىق! مەرەكە بارشامىزعا قۇتتى بولسىن!  ەلدىڭ ەرتەڭىنە دەگەن سەنىمىمىز بەرىك، جارقىن كۇندەرىمىز كوپ بولسىن! — دەدى.

ءوز سوزىندە وبلىس اكىمى ەلىمىزدىڭ تاۋەلسىزدىكتىڭ 30 جىلىندا قول جەتكىزگەن جەتىستىكتەرىن جەكە-جەكە اتاپ، جۋىردا عانا جاريالانعان ەلباسى نۇرسۇلتان نازارباەۆتىڭ «ەلدىكتىڭ جەتى تۇعىرى» اتتى قاعيداتتار جيىنتىعىندا ايتىلعان باسىم باعىتتار مەن مىندەتتەرگە توقتالىپ ءوتتى.

قۇتتىقتاۋ سوزىنەن كەيىن وبلىس اكىمى ءوڭىردىڭ الەۋمەتتىك-ەكونوميكالىق دامۋىنا قوسقان ۇلەسى مەن بەلسەندى ازاماتتىق ۇستانىمى ءۇشىن ءبىر توپ ازاماتتى «جومارت جۇرەك»  مەدالىمەن ماراپاتتادى. ولاردىڭ قاتارىندا «جىل تۇلعاسى» نوميناتسياسى بويىنشا توكيو وليمپياداسىنىڭ قولا مەدال يەگەرى نۇريسلام ساناەۆ، «جىلدىڭ ۇزدىك ۇيىمى» نوميناتسياسى بويىنشا «قازحروم» اكتسيونەرلىك قوعامى فيليالىنىڭ ءدوڭ تاۋ-كەن بايىتۋ كومبيناتى، «جىل مەتسەناتى» نوميناتسياسى بويىنشا المابەك تولەپوۆ، «جىلدىڭ ۇزدىك قامقورشىسى» نوميناتسياسى بويىنشا دوسبول باكەنوۆتەر بار.

سونداي-اق شارادا «وبلىسقا سىڭىرگەن ەڭبەگى ءۇشىن» توسبەلگىسى قر قۇرمەتتى ساۋلەتشىسى بولات ەگىمباەۆقا، «سترويدەتال» جشس ديرەكتورى اناتولي سيمونوۆقا، «التىن اسەل» جشس ديرەكتورى حاميت وتەۋۇلىنا، مادەنيەت سالاسىنىڭ ارداگەرى شالقيا باقىتجانوۆاعا، قارجى سالاسىنىڭ ارداگەرى ماريا بايعانوۆاعا تابىستالسا، «جىل ادامى-2021» نوميناتسياسىمەن «قازحروم» تۇك» اق پرەزيدەنتى ارمان ەسەنجولوۆ، وبلىستىڭ باس ينفەكتسيونيست-دارىگەرى مەيرامبەك قۇرمانعازين، «كاير-ترەيد» جشس ديرەكتورى ۆلاديمير گرينبەرگ، بەلگىلى ءمۇسىنشى جەڭىس جۇبانقوسوۆ، پوليتسيا قىزمەتكەرى مۇراتبەك نۇرماعامبەتوۆ، تاۋەلسىزدىك قۇرداسى نۇرجان ورازوۆ ماراپاتتالدى.

 

«ادىرنا» ۇلتتىق پورتالى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket