اقتاۋدا توبانياز ءالنيازۇلىنىڭ ەسكەرتكىشى اشىلدى

418

بۇگىن اقتاۋ قالاسىندا ساياسي قۋعىن-سۇرگىن قۇربانى توبانياز ءالنيازۇلىنىڭ قايتا قالپىنا كەلتىرىلگەن ەسكەرتكىشى سالتاناتتى تۇردە اشىلدى، دەپ حابارلايدى "ادىرنا" ۇلتتىق پورتالى ماڭعىستاۋ وبلىسىنىڭ قوعامدىق كوممۋنيكاتسيا ورتالىعىنا سىلتەمە جاساپ.

جيىنعا ماڭعىستاۋ وبلىسى اكىمىنىڭ ءبىرىنشى ورىنباسارى ابزال مەڭدىباەۆ قاتىسىپ، توبانياز ەرلىگىنىڭ جاس بۋىنعا ۇلگى ەكەنىن اتاپ ءوتتى.

— وتكەن عاسىردا اداي ۋەزى رەۆوليۋتسيالىق كوميتەتىن باسقارعان مەملەكەت قايراتكەرى توبانياز ءالنيازۇلى باتىستاعى ءوڭىردىڭ جەتەكشىلەرى دوسمۇحامەدپەن بىرگە ەلدىڭ بىرلىگىن، مەملەكەتتىڭ ازاتتىعىن اڭسادى. ونىڭ ەڭبەگى زور. قازىر ەڭبەگى ەلەندى. ءسوزسىز، مۇنىڭ ءبارى جاستارعا ونەگە، - دەدى وبلىس اكىمىنىڭ ءبىرىنشى ورىنباسارى ا. مەڭدىباەۆ.

سالتاناتتى شاراعا توبانياز ءالنيازۇلىنىڭ نەمەرەسى شامابي زاكىرجانوۆ پەن جيەنى نۇربوپە قالدىباەۆا كەلدى. ولار توبانياز ەسكەرتكىشىن قايتا قالپىنا كەلتىرۋ ءىسىن قولعا العان جەرگىلىكتى اتقارۋشى ورگاندارعا، توبانياز ەرلىگى مەن ەڭبەگىن ۇمىتپاعان حالىققا ءوز العىسىن جەتكىزدى. ءارى قاراي ەسكەرتكىشتىڭ اق ماتاسىن تومەن ءتۇسىرىپ، بەينەنىڭ جاڭا ۇلگىسىن كوپكە كورسەتتى.

بۇدان بولەك "1920-1950 جىلدار ارالىعىنداعى ساياسي قۋعىن-سۇرگىن: باتىس قازاقستان ايماقتارىنىڭ تاريحي دەرەكتەرى نەگىزىندە" تاقىرىبىنداعى وڭىرلىك عىلىمي كونفەرەنتسياسى ءوتتى.

جيىن بارىسىندا اقتوبە، اتىراۋ، باتىس قازاقستان وبلىستارىنان كەلگەن عالىمدار بايانداما جاسادى. ساياسي قۋعىن-سۇرگىنگە ۇشىراعان تۇلعالار مەن تاريحي وقيعالار تۋرالى وزەكتى ماسەلەلەر تالقىلاندى.

 

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket