كوروناۆيرۋستىڭ "وميكرون" جاڭا شتاممىن جۇقتىرۋدىڭ العاشقى جانە نەگىزگى بەلگىلەرى ادامنىڭ قاتتى شارشاۋىمەن جانە باس اۋرۋىمەن كورىنەدى، بۇل كەزدە تەمپەراتۋرا سيرەك كوتەرىلەدى نەمەسە تاماق اۋىرادى، دەپ مالىمدەيدى "ادىرنا" ۇلتتىق پورتالى. بۇل تۋرالى بۇگىن، 28 قاراشادا تاسس وار مەديتسينالىق قاۋىمداستىعىنىڭ توراعاسى انجەليك كۋتزەگە سىلتەمە جاساپ حابارلادى.
- شامامەن ون كۇن بۇرىن ماعان قاتتى شارشاۋ مەن دەپرەسسيا، سونداي-اق قاتتى باس اۋرۋى تۋرالى شاعىمدارى بار ناۋقاستار كەلە باستادى. ءبىر-ەكەۋىندە عانا دەنە قىزۋى ءسال كوتەرىلىپ، تاماعى اۋىرعان. ادامدار ءوزىن ناشار سەزىنىپ 2-3-ءشى كۇنى كەلدى. سونىمەن بىرگە ولاردىڭ ەشقايسىسى كوروناۆيرۋس جۇقتىرۋىمىز مۇمكىن دەپ ويلاعان دا جوق، ويتكەنى Covid-19-عا ءتان ادەتتەگى بەلگىلەر بولماعان. الايدا جۇرگىزىلگەن سىناقتار ولاردا جاڭا شتامم تۋدىرعان كوروناۆيرۋس بار ەكەنىن كورسەتتى، سودان كەيىن ول «وميكرون» دەپ اتالدى، - دەدى ول.
ايتا كەتەيىك، "وميكرون" جاڭا شتاممىنىڭ تارالۋىنىڭ الەمدىك ەپيتسەنترى - افريكانىڭ وڭتۇستىك ايماعى بولىپ تابىلادى. ينفەكتسيا جۇقتىرعانداردىڭ ەڭ كوپ سانى وڭتۇستىك افريكادا، شامامەن 150 ادام انىقتالدى.
"ادىرنا" ۇلتتىق پورتالى
