2050 جىلعا قاراي ۋكراينا حالقىنىڭ سانى 35 ميلليون ادامعا دەيىن قىسقارۋى مۇمكىن. بۇل الەمدەگى ەڭ جىلدام قۇلدىراۋ بولماق، دەپ حابارلايدى "ادىرنا" ۇلتتىق پورتالى "Zakon.kz-كە" سىلتەمە جاساپ.
مۇنداي دەرەكتەر بۇۇ-نىڭ "دەموگرافيالىق ۇدەرىستەر" اتتى اناليتيكالىق انىقتاماسىندا جاريالاندى. بۇل پروتسەسكە اتالعان ەلدەگى تۋ دەڭگەيىنىڭ تومەندىگى، ءولىم-ءجىتىمنىڭ جوعارى دەڭگەيى جانە كوشى-قوننىڭ ارتۋى اسەر ەتەدى.
ەل بيلىگىنە بۇگىندە تۇراقتى ساياسي-قارجىلىق جۇيەنى قۇرۋ، سول ارقىلى ءوز ازاماتتارىنىڭ الەۋمەتتىك قورعالۋىن قامتاماسىز ەتۋ قاجەت.
ۋكراينا حالقىنىڭ سوڭعى رەسمي ساناعى 2001 جىلى ءوتتى. ونىڭ قورىتىندىسى بويىنشا ەل ازاماتتارىنىڭ سانى 48 240 902 ادامدى قۇراعان. 2021 جىلدىڭ 1 قىركۇيەگىندەگى جاعداي بويىنشا ەل حالقىنىڭ سانى 41,3 ميلليونعا جەتتى.
ۋكراينانىڭ بۇرىنعى پرەمەر-ءمينيسترى نيكولاي ازاروۆ بۇعان دەيىن ايتقانداي، جىل سايىن ەل اۋماعىندا ء"بۇتىن ءبىر قالا ولەدى". ول ۋكراينانىڭ ەۋروپاداعى ەڭ كەدەي ەلگە اينالعانىن، بىراق بۇل ورىنداردا مولدوۆا مەن البانيا تۇرعانىن اتاپ ءوتتى. "باتكيۆششينا" پارتياسىنىڭ جەتەكشىسى يۋليا تيموشەنكو دا ۋكراين حالقىنىڭ جويىلىپ جاتقانى تۋرالى ايتتى. ونىڭ پىكىرىنشە، حالىق سانىنىڭ ازايۋى ەلگە ۇلكەن قاۋىپ ءتوندىرىپ تۇر.
"ادىرنا" ۇلتتىق پورتالى.
