2050 jylǵa qaraı Ýkraına halqynyń sany 35 mıllıon adamǵa deıin qysqarýy múmkin. Bul álemdegi eń jyldam quldyraý bolmaq, dep habarlaıdy "Adyrna" ulttyq portaly "Zakon.kz-ke" silteme jasap.
Mundaı derekter BUU-nyń "Demografııalyq úderister" atty analıtıkalyq anyqtamasynda jarııalandy. Bul proeske atalǵan eldegi týý deńgeıiniń tómendigi, ólim-jitimniń joǵary deńgeıi jáne kóshi-qonnyń artýy áser etedi.
El bıligine búginde turaqty saıası-qarjylyq júıeni qurý, sol arqyly óz azamattarynyń áleýmettik qorǵalýyn qamtamasyz etý qajet.
Ýkraına halqynyń sońǵy resmı sanaǵy 2001 jyly ótti. Onyń qorytyndysy boıynsha el azamattarynyń sany 48 240 902 adamdy quraǵan. 2021 jyldyń 1 qyrkúıegindegi jaǵdaı boıynsha el halqynyń sany 41,3 mıllıonǵa jetti.
Ýkraınanyń burynǵy premer-mınıstri Nıkolaı Azarov buǵan deıin aıtqandaı, jyl saıyn el aýmaǵynda "bútin bir qala óledi". Ol Ýkraınanyń Eýropadaǵy eń kedeı elge aınalǵanyn, biraq bul oryndarda Moldova men Albanııa turǵanyn atap ótti. "Batkıvına" partııasynyń jetekshisi Iýlııa Tımoshenko da ýkraın halqynyń joıylyp jatqany týraly aıtty. Onyń pikirinshe, halyq sanynyń azaıýy elge úlken qaýip tóndirip tur.
"Adyrna" ulttyq portaly.
