شىمكەنتتە جالدامالى پاتەردەن قىزدىڭ ءمايىتى تابىلدى، دەپ حابارلايدى “ادىرنا” ۇلتتىق پورتالى Sputnik.kz سايتىنا سىلتەمە جاساپ.
وڭىرلىك "وتىرار" پورتالىنىڭ حابارلاۋىنشا، قىزدىڭ دەنەسىن 25 قاراشا تۇنگى ساعات 01.30-دا تاپقان. مارقۇم شامامەن 20-25 جاستا.
پاتەر يەسى مارقۇمنىڭ ءۇيدى 3 كۇنگە جالعا العانىن ايتتى. ول پاتەردى جىگىتىمەن بىرگە بولۋى دا مۇمكىن. ارتىنشا ەكەۋىنىڭ اراسىندا جانجال شىققان دەگەن بولجام ايتىلدى.
العاشقى ەكى كۇندە قىز پاتەر يەسىمەن بايلانىسقا شىققان، ول مارقۇمنىڭ داۋسىنان ەرەكشە ەشتەڭە بايقاماعانىن ايتادى.
الايدا ءۇشىنشى كۇنى تەلەفون قوڭىراۋىنا جاۋاپ بەرمەگەن، سوعان بايلانىستى پاتەر يەسى دابىل قاقتى. قوسىمشا كىلتپەن ەسىكتى اشقان ءۇي يەسى ەدەندە قان-جوسا بولىپ جاتقان قىزدىڭ دەنەسىن كورگەن.
وقيعا ورنىنا كەلگەن مەديتسينا قىزمەتكەرلەرى ونىڭ دەنەسى پاتەر ىشىندە شامامەن ءبىر كۇن جاتقانىن ايتتى.
ءتۇنى بويى وقيعا ورنىندا جەدەل ۋاكىلدەر جۇمىس ىستەدى. كۇدىكتىلەر مەن كۋاگەرلەر ىزدەستىرىلىپ جاتىر. پوليتسيا كىسى ولىمىنە قاتىستى باسقا اقپارات تاراتپادى.
“ادىرنا” ۇلتتىق پورتالى
