سەنات دەپۋتاتتارى قىرعىزستان مەن تاجىكستانعا اسكەري كومەك كورسەتۋ تۋرالى بىرنەشە كەلىسىمدى راتيفيكاتسيالادى دەپ حابارلايدى "ادىرنا" ۇلتتىق پورتالى "Orda.kz-كە" سىلتەمە جاساپ.
2021 جىلعى 2 ناۋرىزدا سادىر جاپاروۆتىڭ قازاقستانعا مەملەكەتتىك ساپارى بارىسىندا قازاقستان مەن قىرعىزستان اراسىنداعى وتەۋسىز اسكەري-تەحنيكالىق كومەك كورسەتۋ تۋرالى ۇكىمەتارالىق كەلىسىمگە قول قويىلدى.
– كەلىسىم قىرعىز تاراپىنا اسكەري مۇلىك، وق-دارىلەر مەن ارنايى تەحنيكانى ءبىر رەتتىك بەرۋدى قاراستىرادى. اسكەري تەحنيكانى قىرعىز رەسپۋبليكاسىنىڭ قويتاش اۋىلىنا اۆتوكولىكپەن جەتكىزۋ شىعىندارىن – قازاقستاندىق تاراپ قامتاماسىز ەتەدى جانە ءوز موينىنا الادى. قىرعىز تاراپى الىنعان اسكەري مۇلىكتى نەمەسە ونى پايدالانۋ قۇقىعىن ءۇشىنشى تۇلعاعا بەرمەيدى، – دەپ حابارلادى قر قورعانىس ءمينيسترىنىڭ ورىنباسارى رۋسلان شپەكباەۆ
ول قىرعىز رەسپۋبليكاسىنا اسكەري مۇلىكتى بەرۋ قازاقستاننىڭ جاۋىنگەرلىك ازىرلىگى مەن قورعانىس قابىلەتىنىڭ جاي-كۇيىنە اسەر ەتپەيتىنىن اتاپ ءوتتى، ويتكەنى كومەك قارۋلى كۇشتەردىڭ بيىلعى جاردەماقىسىنىڭ ارتىق قورىنان بەرىلەدى.
قازاقستان مەن تاجىكستان اراسىنداعى اسكەري-تەحنيكالىق كومەك كورسەتۋ تۋرالى ەكىنشى ۇكىمەتارالىق كەلىسىمگە 2021 جىلدىڭ 17 ساۋىرىندە قول قويىلعان. قۇجاتتا اسكەري مۇلىكتى، اتاپ ايتقاندا، وق-دارىلەردى تاجىك تاراپىنا ءبىر رەتتىك بەرۋ قاراستىرىلعان.
– قازاقستاندىق تاراپ اسكەري تەحنيكانى جامبىل وبلىسىنىڭ وتار ستانتسياسىنان دۋشانبە قالاسىنا تەمىر جول كولىگىمەن جەتكىزۋ شىعىندارىن قامتاماسىز ەتەدى جانە ءوز موينىنا الادى. تاجىك تاراپى الىنعان اسكەري مۇلىكتى نەمەسە ونى پايدالانۋ قۇقىعىن ءۇشىنشى تۇلعاعا بەرمەيدى. ايتا كەتۋ كەرەك، اسكەري مۇلىكتى تاجىكستان رەسپۋبليكاسىنا بەرۋ قازاقستاننىڭ جاۋىنگەرلىك ازىرلىگى مەن قورعانىس قابىلەتىنىڭ جاي-كۇيىنە اسەر ەتپەيدى، ويتكەنى كومەك قارۋلى كۇشتەردىڭ بيىلعى جاردەماقىسىنىڭ ارتىق قورىنان بەرىلەدى، – دەدى رۋسلان شپەكباەۆ.
"ادىرنا" ۇلتتىق پورتالى
