شىمكەنت قالاسىنىڭ 35 مىڭ حالقى بار شالعاي ورنالاسقان 2 شاعىن اۋدانىنا جوعارعى جىلدامدىقتى تالشىقتى وپتيكا جەلىسى تارتىلدى. تسيفرلاندىرۋ باسقارماسىنىڭ تاراپىنان اتقارىلعان جۇمىستارمەن بۇگىن قالا اكىمىنىڭ ورىنباسارى م.يساحوۆتىڭ قاتىسۋىمەن وتكەن پرەسس-تۋر بارىسىندا باق وكىلدەرى ارنايى بارىپ تانىستى.
سونىڭ ءبىرى قاراتاۋ اۋدانىنا قاراستى 4 مىڭنان استام ءۇيى بار اقجايىق شاعىناۋدانى. بۇگىنگى كۇنى، «i-LinkNet» مەكەمەسى شاعىناۋدانعا تالشىقتى وپتيكا جەلىسىن تولىق جۇرگىزدى. ءتورت مىڭعا جۋىق ۇيگە 400 شاقىرىمدىق ابونەنتتىك كابەل تارتتى. ونداعى ءوتىنىش قالدىرعان 500-دەن استام وتباسى جوعارعى جىلدامدىقتى ساپالى ينتەرنەتكە قول جەتكىزدى.
سونىمەن قاتار، كومپانيا دوستىق شاعىناۋدانىنا دا تالشىقتى وپتيكا جەلىسىن تارتتى. 2500-گە جۋىق ۇيگە تالشىقتى وپتيكا جەلىسى جانە 200 شاقىرىمدى قامتيتىن ابونەنتتىك كابەل جۇرگىزىلدى. اتالعان شاعىناۋداننىڭ ءوتىنىش بىلدىرگەن العاشقى 100 ۇيگە ينتەرنەت جەلىسى قوسىلىپ، تۇرعىنداردان قوسىمشا وتىنىشتەر قابىلدانۋ ۇستىندە.
تۇرعىندار تاراپىنان كەڭجولاقتى ينتەرنەت جەلىسىنە قوسىلۋعا ناقتى وتىنىمدەر بەرىلگەن جاعدايدا، كومپانيا تاراپى شاعىناۋداندى تولىققاندى تالشىقتى وپتيكا جەلىسىمەن قامتاماسىز ەتپەك. الداعى ۋاقىتتا «i-LinkNet» كومپانياسى اسار، سامال-3 جانە نۇرتاس شاعىناۋداندارىن تالشىقتى وپتيكا جەلىسىمەن قامتيتىن بولادى.
