ەڭبەكشى اۋدانىنداعى اپاتتى دەپ تانىلعان «تەكەسۋ» كانالىنان وتەتىن كوپىر قايتا قۇرىلىپ، پايدالانۋعا بەرىلدى. قولدانىستاعى بۇل كوپىر 1993 جىلدارى سالىنعان. ۇزىندىعى 10 مەتر، ەنى 6 مەتردى قۇرايدى. قايتا قۇرۋ جۇمىستارى دەمەۋشى ەسەبىنەن جۇرگىزىلدى.
ەسكە سالساق، وسى جىلدىڭ شىلدە ايىندا ەڭبەكشى اۋدانىنىڭ اكىمى د.ەسىلبەك جۇلدىز تۇرعىن الابىنىڭ تۇرعىندارىمەن كەزدەسۋ بارىسىندا «تەكەسۋ» كانالىنان وتەتىن كوپىردىڭ اپاتتى جاعدايدا ەكەندىگى ايتىلىپ، تۇرعىندار كوپىردى قالپىنا كەلتىرىپ بەرۋدى جەتكىزگەن ەدى.
تۇرعىندار كوتەرگەن ماسەلەنى شەشۋ ماقساتىندا اۋدان اكىمى قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ە.جولداسوۆپەن بىرگە اتالعان كوپىردىڭ جاعدايىن زەردەلەپ، قايتا قۇرۋعا شەشىم قابىلدانعان بولاتىن. قازىرگى تاڭدا «تەكەسۋ» كانالىنان وتەتىن اپاتتى كوپىر قايتا قۇرىلىپ، تۇرعىنداردىڭ ءوتىنىشى ورىندالىپ وتىر.
ەندىگى كەزەكتە قاراباستاۋ تۇرعىن الابىنداعى كانال ۇستىنەن وتەتىن كوپىردى قايتا قۇرۋ جوسپاردا بار. اۋدان اكىمى تۇرعىنداردىڭ ءوتىنىشى باستى نازاردا ەكەنىن جانە بارلىق جۇمىستار حالىقپەن كەلىسىلىپ اتقارىلاتىنىن ايتۋدا.
