شىمكەنت قالالىق جۇمىسپەن قامتۋ باسقارماسىنا جاڭا باسشى تاعايىندالدى

2095
Adyrna.kz Telegram

شىمكەنت قالاسى اكىمىنىڭ وكىمىمەن قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى بولىپ بالمارجان پولاتقىزى ناربەكوۆا تاعايىندالدى، دەپ حابارلايدى قازاقپارات.

بالمارجان پولاتقىزى 1988 جىلى دۇنيە كەلگەن. م.اۋەزوۆ اتىنداعى وقمۋ-دى قۇقىقتانۋ جانە ەكونوميكا ماماندىعى بويىنشا بىتىرگەن. ەڭبەك جولى شىمكەنت قالاسىنداعى «جاستار ورتالىعى» مكقك ديرەكتوردىڭ ورىنباسارى بولۋدان باستالعان. كەيىننەن شىمكەنت قالاسىنىڭ جۇمىسپەن قامتۋ ورتالىعىنىڭ ءبولىم باستىعى، اباي اۋدانى «نۇر وتان» پارتياسى فيليالى توراعاسىنىڭ ءبىرىنشى ورىنباسارى، قاراتاۋ اۋدانى اكىمىنىڭ ورىنباسارى، وقو جاستار ساياساتى ماسەلەلەر جونىندەگى باسقارماسىنىڭ باسشىسى، تۇركىستان وبلىسىنىڭ وتباسى، بالالار جانە جاستار ىستەرى باسقارماسىنىڭ باسشىسى قىزمەتتەرىن اتقارعان. 2019 جىلدان بۇگىنگى كۇنگە دەيىن شىمكەنت قالاسىنىڭ ءبىلىم باسقارماسى باسشىسىنىڭ ورىنباسارى بولىپ جۇمىس جاساعان.

 

پىكىرلەر