Shymkent qalasy ákiminiń ókimimen qalalyq jumyspen qamtý jáne áleýmettik qorǵaý basqarmasynyń basshysy bolyp Balmarjan Polatqyzy Narbekova taǵaıyndaldy, dep habarlaıdy QazAqparat.
Balmarjan Polatqyzy 1988 jyly dúnıe kelgen. M.Áýezov atyndaǵy OQMÝ-dy quqyqtaný jáne ekonomıka mamandyǵy boıynsha bitirgen. Eńbek joly Shymkent qalasyndaǵy «Jastar ortalyǵy» MKQK dırektordyń orynbasary bolýdan bastalǵan. Keıinnen Shymkent qalasynyń jumyspen qamtý ortalyǵynyń bólim bastyǵy, Abaı aýdany «Nur Otan» partııasy fılıaly tóraǵasynyń birinshi orynbasary, Qarataý aýdany ákiminiń orynbasary, OQO jastar saıasaty máseleler jónindegi basqarmasynyń basshysy, Túrkistan oblysynyń otbasy, balalar jáne jastar isteri basqarmasynyń basshysy qyzmetterin atqarǵan. 2019 jyldan búgingi kúnge deıin Shymkent qalasynyń bilim basqarmasy basshysynyń orynbasary bolyp jumys jasaǵan.
