سوڭعى كەزدە قازاقستاندا ەلەكتر قۋاتىن پايدالانۋ كۇرت ءوسىپ كەتتى، ونىڭ دەفيتسيتى پايدا بولىپ جاتىر دەگەن اقپارات ءار جاقتان ەستىلىپ، جازىلىپ، قۇلاققا قۇيىلىپ جاتىر.
ماينەرلەر كىنالى دەدى مە، ەكىباستۇز گرەس-ىندە اپاتتىق جوندەۋ بولادى دەدى مە، باسقا دەدى مە، ايتەۋىر، نەگىزگى وي: قوسىمشا ەلەكتر قۋاتىن ءوندىرۋ ءۇشىن بىزگە مىندەتتى تۇردە اەس كەرەك-مىس. ونى سالماي پروبلەما شەشىلمەيدى-مىس.
ءوز باسىم مۇنداي اقپاراتتىق تەحنولوگيانى "اەس-ءتى سالماساق، بولمايدى" دەگەن پىكىردى قوعامدىق ساناعا ءسىڭدىرۋدىڭ ءبىر ءتاسىلى دەپ بىلەمىن.
ايتپەسە، جەر قويناۋىنداعى سونشاما مۇناي، گاز، كومىر قورى حالقىنىڭ سانى 19 ميلليون عانا ەلدىڭ ەكونوميكاسىن قامتاماسىز ەتە المايدى دەگەنگە سەنبەيمىن!
كەشەگى كۇنى پرەزيدەنتتىڭ ءىس جۇزىندە رەسەيلىك اەس-تى قولداپ ءسوز سويلەۋىنە قاراعاندا، ءبىزدىڭ بيلىك كرەملگە ءبىر ۋادە بەرىپ قويعان سەكىلدى اسەر قالدىرعانى دا راس...
"ادىرنا" ۇلتتىق پورتالى
