شىمكەنتتە تاۋەلسىزدىكتىڭ 30 جىلدىعىنا وراي ۇيىمداستىرىلعان ەسسە بايقاۋىنىڭ جەڭىمپازدارى ماراپاتتالدى

1669
Adyrna.kz Telegram

شىمكەنت قالالىق سوتىندا قازاقستان رەسپۋبليكاسى تاۋەلسىزدىگىنىڭ 30 جىلدىعى جانە «مەدياتسيا تۋرالى» زاڭىنىڭ قابىلدانعانىنا 10 جىل تولۋىنا وراي ۇيىمداستىرىلعان «داۋ مۇراتى – ءبىتىم» اتتى ەسسە كونكۋرسىنىڭ جەڭىمپازدارى مەن مەدياتورلار ماراپاتتالدى.

قالالىق سوتتىڭ باستاماسىمەن ۇيىمداستىرىلعان شاراعا شىمكەنت قالالىق سوتىنىڭ القا توراعاسى م.پارمەنوۆ پەن اباي اۋداندىق سوتىنىڭ سۋدياسى ل.اۋەلبەكوۆا، قالالىق ادۆوكاتتار القاسىنىڭ توراعاسى س.بايمۇراتوۆ، مەدياتورلار مەن ستۋدەنتتەر جانە جوعارى سىنىپ وقۋشىلارى قاتىستى.

ۇستىمىزدەگى جىلدىڭ 26 ساۋىرىندە جاريالانعان ەسسە بايقاۋىنا قاتىسۋعا نيەت بىلدىرگەن وقۋشىلار مەن ستۋدەنتتەردەن جالپى 40 شاقتى جۇمىس تۇسكەن. قازىلار القاسىنا سۋديالار، ادۆوكاتتار مەن مەدياتورلار ەندى. ولار مەدياتسيانىڭ قوعامداعى ورنى، تيىمدىلىگى مەن دامىتۋدىڭ تەتىكتەرى تۋرالى ەركىن فورماتتا جازىلعان ەسسەلەردىڭ اراسىنان ەڭ مازمۇنى ايشىقتىلارى مەن ۇزدىكتەرىن ىرىكتەدى.

قازىلار القاسىنىڭ شەشىمىمەن، «ەڭ ۇزدىك» نوميناتسياسىمەن «№4 بالالار ءۇيىنىڭ» تاربيەلەنۋشىلەرى الەكساندرا پۋستوۆويتوۆا جانە كارينا لي، ال «ۇزدىك» نوميناتسياسىمەن باقىتجان ءابدىجاپپاروۆ پەن ەرجان الماحان ماراپاتتالدى. جانسۇلۋ مىرزابەك، ارسەن بايمەتديەۆ جانە اقنۇر ۋاليقىزى ارنايى «ماداقتاماعا» يە بولدى.

سونىمەن قاتار، مەدياتسيا كۇنىنە وراي كاسىبي مەدياتورلار لاۋرا اقشەگىروۆا، دينارا بايسەرىكوۆا، ەلميرا ەسىمبەتوۆا، دانا كەنجەقۇلوۆا، نۇربالا ورازقۇلوۆا جانە جاستار ءماسليحاتىنىڭ دەپۋتاتى جاسمين اشيموۆا «العىس حاتتارمەن» جانە باعالى سىيلىقتارمەن ماراپاتتالدى

پىكىرلەر