«شىمسيتي» جانە «تۇران» شاعىناۋداندارىنداعى قۇرىلىس جۇمىستارىنىڭ قارقىنى تەكسەرىلدى. قالا اكىمدىگى اپپاراتىنىڭ باسشىسى عابيت ماۋلەنقۇلوۆ الدىمەن «شىمسيتي» شاعىناۋدانىنداعى كوپقاباتتى ۇيلەردىڭ مودۋلدى جىلۋ قازاندىعىنىڭ جۇيەسى تولىق اۆتوماتتاندىرىلعان، ارنايى كومپيۋتەرلىك باعدارلاما ارقىلى باسقارىلاتىن بولادى.
نىسان باسىندا قالا اكىمى مۇرات ايتەنوۆتىڭ جىلىتۋ ماۋسىمىنا دايىندىقتى ۇيىمداستىرۋ جونىندە بەرگەن تاپسىرمالارىنىڭ ورىندالۋ بارىسى قارالدى. ال «تۇران» شاعىناۋدانىندا قالا اكىمىنىڭ اپپارات باسشىسى قۇرىلىس شتابىندا وتكەن كەزدەسۋدە باسپانا سالۋ بارىسىندا وندىرىستىك كەستەنىڭ ساقتالۋى، ىشكى ورامدىق جولداردىڭ ساپاسى، جارىقتاندىرۋ ماسەلەسى پىسىقتالدى.
سونىمەن قاتار سۋ جۇيەلەرىن جۇرگىزۋ، اياقجولدار سالۋ جانە اباتتاندىرۋ ماسەلەسى بويىنشا قالا باسشىسىنىڭ بەرگەن تاپسىرمالارىنىڭ ىسكە اسىرىلۋى ايتىلدى.
اتالعان ماسەلەلەر بويىنشا تاپسىرىس بەرۋشى قالالىق باسقارمالار قويىپ وتىرعان تالاپتار مەن مەردىگەر ۇيىمداردىڭ ورىنداۋشىلىق ءتارتىبى تالقىلاندى.
جيىن قورىتىندىسىمەن قالا اكىمىنىڭ اپپارات باسشىسى ىشكى ورامدىق سۋ جۇيەلەرى مەن اباتتاندىرۋ ماسەلەلەرى بويىنشا جۇمىسشىلار اتقارىپ جاتقان ىستەردى زەردەلەدى.
