قىلمىسكەرلەر قارۋمەن كەلىپ ويىن كلۋبىن توناعان (ۆيدەو)

2661
Adyrna.kz Telegram

جاركەنت قالاسىندا  قولدارىنا تاپانشا مەن كەسىلگەن شولاق مىلتىقپەن قارۋلانعان قىلمىسكەرلەر ويىن كلۋبىن توناپ كەتكەن دەپ حابارلايدى "ادىرنا" ۇلتتىق پورتالى "Zakon.kz-كە" سىلتەمە جاساپ.

15 قاراشادا تاڭعى ساعات 4:00 شاماسىندا جاركەنت قالالىق پانفيلوۆ اۋداندىق پوليتسيا باسقارماسىنىڭ پوليتسيا بولىمىنە قارۋلى قاراقشىلىق شابۋىل جاسالعانى تۋرالى حابارلاما كەلىپ تۇسكەن.

وقيعا ورنىن قاراپ شىققان پوليتسەيلەر ديامەترى 9 مم بولاتىن جارامسىز پاترون تاپقان. توناۋ كەزىندە قىلمىسكەرلەردىڭ ءبىرى توناۋدى توقتاتپاق بولعان كلۋب اكىمشىسىن شوشىتۋ ءۇشىن اسپانعا وق اتقان. قىلمىستىق توپ كلۋبتان ءبىر ميلليوننان استام تەڭگە ۇرلاعان.

كەشەندى جەدەل-ىزدەستىرۋ شارالارىنىڭ ناتيجەسىندە الماتى وبلىسى ءىىد قىزمەتكەرلەرى مەن پانفيلوۆ اۋداندىق پوليتسيا ءبولىمىنىڭ وقب جەدەل ۋاكىلدەرى قالانىڭ ءار جەرىندە ءۇش كۇدىكتىنى انىقتاپ، ۇستادى. ولار الماتى قالاسىنىڭ (قوناقۇيدە، جالدامالى پاتەردە جانە كوشەدە) جاركەنت قالاسىنىڭ تۇرعىندارى بولىپ شىقتى. ۇستاۋ كەزىندە 20 جاستاعى كۇدىكتىدەن ۇرلانعان اقشانىڭ جارتىسى مەن تاپانشا تاركىلەندى. سومانىڭ ءبىر بولىگى 22 جاستاعى ەكىنشى كۇدىكتى مەن ولاردىڭ 23 جاستاعى سىبايلاسىنان تاركىلەندى.

— ايعاقتارمەن اشكەرەلەنگەن ۇستالعانداردىڭ بارلىعى قالعان اقشانىڭ ويىن-ساۋىققا جۇمسالعانىن ءتۇسىندىرىپ، كىناسىن مويىندادى. قاۋىپتىلەردىڭ ارەكەتى بەينەكامەراعا ءتۇسىپ قالعان. بارلىق ايىپتالۋشى قىلمىستىق-پروتسەستىك كودەكستىڭ 128-بابىمەن ۋاقىتشا ۇستاۋ يزولياتورىنا قامالدى. قازاقستان رەسپۋبليكاسىنىڭ قىلمىستىق ءىس جۇرگىزۋ كودەكسىنىڭ 201 بابىنا سايكەس باسقا اقپاراتتار تاراتىلمايدى، — دەيدى الماتى وبلىسى ءىىد تەرگەۋ باسقارماسى باستىعىنىڭ ورىنباسارى پوليتسيا پولكوۆنيگى سامال ارعىنعازينوۆا.

 

"ادىرنا" ۇلتتىق پورتالى

 

پىكىرلەر