«قازۆودحوز» رمك «قوستاناي-سۋ» مكك، «رۋدنەنسكي ۆودوكانال» جشس، «توبىل» مكك-عا جەر ءۇستى اعىندارىن رەتتەۋ بويىنشا قىزمەت كورسەتەدى. پرەسس-تۋر اياسىندا كاسىپورىن جالپى قۇنى 16 ملن 192 مىڭ تەڭگەنى قۇرايتىن جاڭا ارنايى تەحنيكانى كورسەتتى.
2020 جىلى بۇل قاراجاتقا 3 ملن 299 مىڭ تەڭگەگە قار تازالاعىش ماشينا، 12 ملن 133 مىڭ تەڭگەگە ءشومىش تيەگىش جانە 760 مىڭ تەڭگەگە ەكى رەزەرۆتىك ەلەكتر قوزعالتقىشى ساتىپ الىندى. بۇل قىزمەت كورسەتۋ ساپاسىن ارتتىرادى، بىراق تاريفكە ەشقانداي اسەر ەتپەيدى. «قازۆودحوز» رمك ديرەكتورىنىڭ ورىنباسارى قايدار قوسىلباەۆ كوممۋنالدىق قىزمەتتەرگە، اۋىلشارۋاشىلىق جانە باۋ-باقشا سەرىكتەستىكتەرىنە ارنالعان وندىرىستىك سۋدىڭ ءتاريفى وزگەرمەيتىنىن اتاپ ءوتتى.
ەگەر بۇرىن ونەركاسىپتىك سۋدىڭ باعاسى ققس-سىز 1,315 تەڭگە/م3 بولسا، قازىر ول 0,87 تەڭگە/م3 دەيىن تومەندەدى. بۇل تاريف 2022 جىلدىڭ 31 تامىزىنا دەيىن بەكىتىلگەن. «قوستاناي-سۋ» مكك مالىمەتى بويىنشا تۇتىنۋشىلار ءۇشىن سۋدىڭ باعاسى ققس-سىز 14,75 تەڭگە/م3 قۇرايدى.
«كوممۋنالدىق قىزمەتتەر بىزدەن سۋدى الىپ، ارنايى قوندىرعىلاردا تازارتادى، سودان كەيىن قالا تۇرعىندارىنا اكەلەدى»، - دەپ ءتۇسىندىردى قوسىلباەۆ.
