قر دەنساۋلىق ساقتاۋ ءمينيسترى الەكسەي تسوي ۇكىمەت وتىرىسىندا بايانداما جاسادى. ول ەلدەگى سانيتارلىق-ەپيدەميولوگيالىق جاعداي تۋرالى حابارلادى. بۇل تۋرالى دەنساۋلىق ساقتاۋ مينيسترلىگىنىڭ ءباسپاسوز قىزمەتى جازدى.
«قازاقستاندا سوڭعى ەكى ايدا اۋرۋشاڭدىق 3,4 ەسەگە، ال ءولىم-ءجىتىم 4 ەسەگە تومەندەدى. رەسپۋبليكا بويىنشا 1 تامىزدان باستاپ ينفەكتسيالىق توسەكتەردىڭ قامتىلۋ دەڭگەيى 56-دان 30%-عا دەيىن، رەانيماتسيالىق توسەكتەردىڭ 45-تەن 26%-عا دەيىن تومەندەگەنى بايقالادى. رەزەرۆتە 30 مىڭنان استام توسەك-ورىن بار»، - دەدى مينيستر.
ەمدەۋدى جالعاستىرۋشىلار سانىنىڭ ازايۋى بويىنشا وڭ ديناميكا بايقالادى، سوڭعى ءۇش ايدا ناۋقاستار سانى 2,3 ەسەگە ازايدى.
كوروناۆيرۋستىق ينفەكتسيانىڭ تارالۋ قارقىنى بويىنشا «جاسىل ايماقتا» شىمكەنت قالاسى، اقتوبە، اتىراۋ، الماتى، باتىس قازاقستان، تۇركىستان، جامبىل، قىزىلوردا، ماڭعىستاۋ جانە شىعىس قازاقستان وبلىستارى، «سارى ايماقتا» - نۇر-سۇلتان جانە الماتى قالالارى، اقمولا جانە قاراعاندى وبلىستارى ورنالاسقان.
«قىزىل ايماقتا» قوستاناي، پاۆلودار جانە سولتۇستىك قازاقستان وبلىستارى قالادى.
بۇگىنگى تاڭدا 8,5 ملن ادام ءبىرىنشى كومپونەنتپەن، 7,7 ملن ادام ەكىنشى كومپونەنتپەن ەگىلدى.
بالالاردىڭ، جۇكتى جانە بالا ەمىزەتىن ايەلدەردىڭ كوروناۆيرۋستىق ينفەكتسياعا قارسى ۆاكتسيناتسيالاۋعا قولجەتىمدىلىگىن قامتاماسىز ەتۋ ماقساتىندا 4 ملن 230 مىڭ دوزا ساتىپ الىندى، بۇل 2 ملن 115 مىڭ ادامدى قامتۋعا مۇمكىندىك بەرەدى.
«ۆاكتسيناتسيالاۋعا 12-17 جاستاعى بالالار، جۇكتىلىكتىڭ 16-37 اپتاسىنداعى جۇكتى ايەلدەر جانە بوسانعاننان كەيىن 42 كۇننەن كەيىن بالا ەمىزەتىن ايەلدەر جاتادى. 15 قاراشاعا دەيىن Comirnaty Pfizer ۆاكتسيناسىنىڭ العاشقى پارتياسىن 379 مىڭ دوزا كولەمىندە جەتكىزۋ جوسپارلانۋدا»، - دەپ اتاپ ءوتتى دەنساۋلىق ساقتاۋ ءمينيسترى.
ايتا كەتۋ كەرەك، بالالاردىڭ كۆي-گە قارسى ۆاكتسيناتسياسى ءبىلىم بەرۋ ۇيىمدارىندا اتا-انالاردىڭ نەمەسە كامەلەتكە تولماعانداردىڭ، جاسوسپىرىمدەردىڭ وزگە دە زاڭدى وكىلدەرىنىڭ اقپاراتتاندىرىلعان كەلىسىمىنەن كەيىن جۇزەگە اسىرىلادى.
بۇل رەتتە رەۆاكتسيناتسيا قازاقستاندا 22 قاراشادا باستالادى جانە 2 كەزەڭدە جۇرگىزىلەدى.
وسىلايشا، اعىمداعى جىلدىڭ سوڭىنا دەيىن العاشقى ۆاكتسيناتسيا مەرزىمدەرىن ەسكەرە وتىرىپ، حالىقتىڭ وسال توپتارى رەۆاكتسيناتسياعا جاتادى دەپ جوسپارلانۋدا. بۇل مەديتسينالىق-الەۋمەتتىك مەكەمەلەردىڭ، جابىق بالالار مەكەمەلەرىنىڭ مەديتسينا قىزمەتكەرلەرى، پەداگوگتارى، قىزمەتكەرلەرى مەن كونتينگەنتى، كۇش قۇرىلىمدارىنىڭ قىزمەتكەرلەرى.
بەلگىلەنگەن مەرزىمدەردى ەسەپكە الماعاندا، رەۆاكتسيناتسياعا 60 جاستان اسقان ازاماتتار جانە ءوز بەتىنشە زەرتتەۋدەن وتكەن جانە كۆي-عا قارسى انتيدەنەلەرگە تەرىس تەست ناتيجەسى بار ادامدار دا جىبەرىلەدى.
«ءساۋىر ايىندا جاپپاي العاشقى ۆاكتسيناتسيانىڭ باستالۋىن ەسكەرە وتىرىپ، العاشقى ۆاكتسيناتسيانى اياقتاعان بارلىق ازاماتتار ۆاكتسيناتسيانىڭ تولىق كۋرسى اياقتالعاننان كەيىن 6-9 ايدان كەيىن 2022 جىلدىڭ قاڭتارىنان باستاپ رەۆاكتسيناتسياعا جاتادى. وسىعان بايلانىستى ەكىنشى كەزەڭدە باستاپقى ۆاكتسيناتسيانى اياقتاعان جانە رەۆاكتسيناتسيا مەرزىمى جەتكەن قالعان ازاماتتار رەۆاكتسيناتسياعا جاتادى»، - دەپ اتاپ ءوتتى الەكسەي تسوي.
«ادىرنا» ۇلتتىق پورتالى
