وزبەكستان پرەزيدەنتى مۇعالىمدەر مەن دارىگەرلەردىڭ جالاقىسىن 5 جىلدا 1000 دوللارعا دەيىن كوتەرۋگە ۋادە بەردى، دەپ حابارلايدى «ادىرنا» ءتىلشىسى.
“جوعارى ساناتتى مۇعالىمدەر مەن دارىگەرلەردىڭ جالاقىسىن بەس جىل ىشىندە 1000 دوللارعا دەيىن جەتكىزۋ جوسپارلانعان، - دەپ مالىمدەدى شاۆكات ميرزيوەۆ ۇلىقتاۋ راسىمىندە.
2020 جىلى حالىققا ءبىلىم بەرۋ جۇيەسىندە 13 407-ءى جوعارى ساناتتى مۇعالىمدەر بولدى، بۇل مۇعالىمدەردىڭ جالپى سانىنىڭ 2,8% -نا دا جەتپەيدى. اتالعان كورسەتكىشكە قول جەتكىزۋ ءۇشىن ولاردىڭ جالاقىسىن 3,5 ەسەگە ارتتىرۋ قاجەت.
مەملەكەت باسشىسى جوعارى ساناتتاعى مۇعالىمدەردىڭ ايلىق جالاقىسى 2025 جىلعا قاراي 1000 دوللارعا جەتۋى كەرەك دەدى.
بۇدان باسقا، الداعى بەس جىل ىشىندە مەديتسيناعا بولىنەتىن قارجىنى ەكى ەسە ۇلعايتۋ، ونىڭ ىشىندە جوعارى ساناتتاعى دارىگەرلەردىڭ جالاقىسىن ەكۆيۆالەنتتە 1000 دوللارعا دەيىن جەتكىزۋ كوزدەلگەن.
ء"بىزدىڭ ماقساتىمىز — ۇلتتىق دەنساۋلىقتى ساقتاۋ ۇيىمىن حالىقتىڭ دەنساۋلىعىن جاقسارتۋعا ىقپال ەتەتىن جوعارى ءتيىمدى جۇيەگە اينالدىرۋ", — دەپ اتاپ ءوتتى شاۆكات ميرزيوەۆ.
وزبەكستاندا 1 قىركۇيەكتەگى جاعداي بويىنشا، جوعارى ساناتتى مۇعالىمنىڭ جالاقىسى 3 ملن-نان استام سۋمدى ($280) قۇرايدى. سول ساناتتاعى دارىگەرلەر شامامەن بىردەي جالاقى الادى.
1000 دوللارعا جەتۋ ءۇشىن بەس جىل ىشىندە دارىگەرلەردىڭ جالاقىسىن 2,5−3 ەسە، مۇعالىمدەردىڭ جالاقىسىن 3,5 ەسە ارتتىرۋ قاجەت. قازىر جالاقى جىلىنا ورتا ەسەپپەن 15%-عا وسەدى.
«ادىرنا» ۇلتتىق پورتالى
