Ózbekstan prezıdenti muǵalimder men dárigerlerdiń jalaqysyn 5 jylda 1000 dollarǵa deıin kóterýge ýáde berdi, dep habarlaıdy «Adyrna» tilshisi.
“Joǵary sanatty muǵalimder men dárigerlerdiń jalaqysyn bes jyl ishinde 1000 dollarǵa deıin jetkizý josparlanǵan, - dep málimdedi Shavkat Mırzııoev ulyqtaý rásiminde.
2020 jyly halyqqa bilim berý júıesinde 13 407-i joǵary sanatty muǵalimder boldy, bul muǵalimderdiń jalpy sanynyń 2,8% -na da jetpeıdi. Atalǵan kórsetkishke qol jetkizý úshin olardyń jalaqysyn 3,5 esege arttyrý qajet.
Memleket basshysy joǵary sanattaǵy muǵalimderdiń aılyq jalaqysy 2025 jylǵa qaraı 1000 dollarǵa jetýi kerek dedi.
Budan basqa, aldaǵy bes jyl ishinde medıınaǵa bólinetin qarjyny eki ese ulǵaıtý, onyń ishinde joǵary sanattaǵy dárigerlerdiń jalaqysyn ekvıvalentte 1000 dollarǵa deıin jetkizý kózdelgen.
"Bizdiń maqsatymyz — ulttyq densaýlyqty saqtaý uıymyn halyqtyń densaýlyǵyn jaqsartýǵa yqpal etetin joǵary tıimdi júıege aınaldyrý", — dep atap ótti Shavkat Mırzııoev.
Ózbekstanda 1 qyrkúıektegi jaǵdaı boıynsha, joǵary sanatty muǵalimniń jalaqysy 3 mln-nan astam sýmdy ($280) quraıdy. Sol sanattaǵy dárigerler shamamen birdeı jalaqy alady.
1000 dollarǵa jetý úshin bes jyl ishinde dárigerlerdiń jalaqysyn 2,5−3 ese, muǵalimderdiń jalaqysyn 3,5 ese arttyrý qajet. Qazir jalaqy jylyna orta eseppen 15%-ǵa ósedi.
«Adyrna» ulttyq portaly
