شاحتاداعى جارىلىس: ۋلانۋ فاكتىسى بويىنشا تەرگەۋ باستالدى

2225
Adyrna.kz Telegram

اباي اۋدانىنداعى شاحتادا بولعان توتەنشە وقيعا ورنىندا جەدەل-تەرگەۋ توبى جۇمىس ىستەپ جاتىر، دەپ حابارلايدى "ادىرنا" ۇلتتىق پورتالى "Zakon.kz-كە" سىلتەمە جاساپ.

-جارىلىس فاكتىسىنە سايكەس، قر قىلمىستىق كودەكسىنىڭ 277-بابى، 3-بولىگى بويىنشا سوتقا دەيىنگى تەرگەۋ باستالدى. قاراعاندى ​​وبلىسى پوليتسيا دەپارتامەنتىنىڭ باسشىلىعى مەن جەكە قۇرامى قازا تاپقان كەنشىلەردىڭ وتباسىلارىنا كوڭىل ايتادى، – دەپ حابارلادى وبلىستىڭ پد ءباسپاسوز قىزمەتى.

زارداپ شەككەن جۇمىسشىلاردىڭ ەسىمدەرى دە بەلگىلى بولدى. ولار:  مارالباەۆ جەڭىس مەرەكەۇلى، 1963 جىلعى (ۇڭگۋشى-كەنشى) جانە 1985 جىلعى زەينالوۆ ەلايدار ابەزوعلى (ۇڭگۋشى-كەنشى). زارداپ شەككەندەردىڭ ەكەۋى ءالى جانساقتاۋ بولىمىندە جاتىر.

-بيىلعى جىلدىڭ 7 قاراشاسىندا پروفەسسور ح.ماقاجانوۆ اتىنداعى كوپسالالى اۋرۋحاناعا 1960 جانە 1963 جىلعى ەكى كەنشى كەلىپ ءتۇستى. ەكەۋىنە دە شاحتاداعى وتكىر گازدان، ياعني مەتان جانە كومىرقىشقىل گازىنان ۋلانۋ (توكسيكوگيپوكسيچەسكي ەنتسەفالوپاتيا) دياگنوزى قويىلدى، - دەپ حابارلادى قاراعاندى ​​وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى.

زارداپ شەككەن ەكى كەنشىگە اۋرۋحانا دارىگەرلەرى بارلىق قاجەتتى مەديتسينالىق كومەك كورسەتۋدە.

"ادىرنا" ۇلتتىق پورتالى

 

پىكىرلەر