الەمدىك ەكونوميكاعا كوروناۆيرۋس پاندەمياسىنان كەلگەن شىعىن 4 تريلليون دوللاردان 10 تريلليون دوللارعا دەيىن جەتتى. بۇل تۋرالى رەسەي ەسەپ پالاتاسىنىڭ باسشىسى الەكسەي كۋدرين بريكس ەلدەرىنىڭ ءۇشىنشى حالىقارالىق مۋنيتسيپالدىق فورۋمىنا قاتىسۋشىلارعا ارناعان بەينەۇندەۋىندە ايتتى دەپ حابارلايدى "ادىرنا" ۇلتتىق پورتالى "eadaily.com/ru" سايتىنا سىلتەمە جاساپ.
ء"ارتۇرلى باعالاۋلار بويىنشا پاندەميادان الەمدىك ەكونوميكانىڭ شىعىنى 4 تريلليون دوللاردان 10 تريلليون دوللارعا دەيىن جەتتى جانە بۇل شىعىنداردىڭ ايتارلىقتاي بولىگى وبلىستار مەن مۋنيتسيپاليتەتتەردىڭ بيۋدجەتىنە تۇسەدى", - دەدى ا. كۋدرين.
ونىڭ ايتۋىنشا، الەم ەلدەرىنىڭ دەنساۋلىق ساقتاۋ جۇيەسى پاندەمياعا دايىن ەمەستىگىن كورسەتتى.
"دەنساۋلىق ساقتاۋ جانە الەۋمەتتىك قولداۋ جۇيەلەرى جاھاندىق كۇيزەلىستەرگە دايىن ەمەستىگىن كورسەتتى. بۇگىنگى تاڭدا مەملەكەتتىك ورگاندار مەن بارلىق دەڭگەيدەگى باقىلاۋ-قاداعالاۋ ورگاندارىنىڭ مىندەتى – وسى جۇيەلەردىڭ تۇراقتى ءارى ءتيىمدى بولۋىنا مۇمكىندىك بەرەتىن تەتىكتەردى ازىرلەۋ", - دەدى ا.كۋدرين.
ايتا كەتۋ كەرەك، بۇعان دەيىن، ناقتىراق ايتقاندا، 5 قازاندا ا.كۋدرين رەسەي بيۋدجەتىنىڭ ۇشتەن ءبىر بولىگى مۇناي-گاز سالاسىنىڭ كىرىستەرىنەن تۇراتىنىن جانە الداعى 10-15 جىلدا بۇل سحەمادان بىرتىندەپ باس تارتۋ كەرەكتىگىن ايتقان بولاتىن.
ول الەمدىك بولجامدار بويىنشا 2050 جىلعا قاراي الەمدە كومىرسۋتەك كوزدەرىن پايدالانۋ ەكى ەسەگە قىسقاراتىنىن اتاپ ءوتتى. ا.كۋدرين مۇنى رەسەي ءۇشىن "سىناق" دەپ اتادى.
"ادىرنا" ۇلتتىق پورتالى
