Álemdik ekonomıkaǵa koronavırýs pandemııasynan kelgen shyǵyn 4 trıllıon dollardan 10 trıllıon dollarǵa deıin jetti. Bul týraly Reseı Esep palatasynyń basshysy Alekseı Kýdrın BRIKS elderiniń úshinshi halyqaralyq mýnııpaldyq forýmyna qatysýshylarǵa arnaǵan beıneúndeýinde aıtty dep habarlaıdy "Adyrna" ulttyq portaly "eadaily.com/ru" saıtyna silteme jasap.
"Ártúrli baǵalaýlar boıynsha pandemııadan álemdik ekonomıkanyń shyǵyny 4 trıllıon dollardan 10 trıllıon dollarǵa deıin jetti jáne bul shyǵyndardyń aıtarlyqtaı bóligi oblystar men mýnııpalıtetterdiń bıýdjetine túsedi", - dedi A. Kýdrın.
Onyń aıtýynsha, álem elderiniń densaýlyq saqtaý júıesi pandemııaǵa daıyn emestigin kórsetti.
"Densaýlyq saqtaý jáne áleýmettik qoldaý júıeleri jahandyq kúızelisterge daıyn emestigin kórsetti. Búgingi tańda memlekettik organdar men barlyq deńgeıdegi baqylaý-qadaǵalaý organdarynyń mindeti – osy júıelerdiń turaqty ári tıimdi bolýyna múmkindik beretin tetikterdi ázirleý", - dedi A.Kýdrın.
Aıta ketý kerek, buǵan deıin, naqtyraq aıtqanda, 5 qazanda A.Kýdrın Reseı bıýdjetiniń úshten bir bóligi munaı-gaz salasynyń kiristerinen turatynyn jáne aldaǵy 10-15 jylda bul shemadan birtindep bas tartý kerektigin aıtqan bolatyn.
Ol álemdik boljamdar boıynsha 2050 jylǵa qaraı álemde kómirsýtek kózderin paıdalaný eki esege qysqaratynyn atap ótti. A.Kýdrın muny Reseı úshin "synaq" dep atady.
"Adyrna" ulttyq portaly
