اقش 2 قازاندا وڭتۇستىك قىتاي تەڭىزىندە بولعان امەريكالىق USS Connecticut يادرولىق سۇڭگۋىر قايىقتارىنىڭ سوقتىعىسۋىنا قاتىستى تەرگەۋدىڭ قورىتىندىسىن شىعاردى، دەپ حابارلايدى "ادىرنا" ۇلتتىق پورتالى.
ريا نوۆوستي اگەنتتىگىنىڭ حابارلاۋىنشا، ساراپشىلار اقش تەڭىز كۇشتەرىنىڭ سۇڭگۋىر قايىعى تەڭىز تاۋىمەن سوقتىعىسقان دەگەن قورىتىندىعا كەلگەن. بۇل تۋرالى 7-ءشى فلوتتىڭ رەسمي وكىلى حەيلي سيمس مالىمدەدى.
USS Connecticut اسكەري كەمەسى ءۇندى-تىنىق مۇحيتى ايماعىنىڭ حالىقارالىق سۋلارىندا وپەراتسيا كەزىندە بۇرىن بەلگىسىز تەڭىز تاۋىمەن سوقتىعىسقانى انىقتالدى، دەپ حابارلايدى اقش اسكەري-تەڭىز ينستيتۋتىنىڭ (USNI) جاڭالىقتار پورتالى.
كەيىنگى ارەكەتتەردىڭ ءتارتىبىن فلوت كومانديرى بەلگىلەيدى. كىنالىلەردىڭ جاۋاپقا تارتىلۋى دا بەك مۇمكىن.
2 قازاندا ءۇندى-تىنىق مۇحيتى ايماعىنىڭ حالىقارالىق سۋلارىندا اقش-تىڭ اتومدىق سۇڭگۋىر قايىعى مەن سۋ استى نىسانى سوقتىعىسۋى سالدارىنان 11 امەريكاندىق تەڭىزشى زارداپ شەكتى.
"ادىرنا" ۇلتتىق پورتالى
