"Celiz ورتالىق ەۋروپالىق لوگيستيكالىق-يندۋستريالدى ايماعى" جوباسىنىڭ وكىلدەرى مەن "KTZ Express" اق باسقارما توراعاسى نۇرلان يگەمباەۆ ءوزارا مەموراندۋمعا قول قويدى، دەپ حابارلايدى "ادىرنا" ۇلتتىق پورتالى.
تاراپتار قىتاي مەن ەۋروپا اراسىنداعى تەمىرجول جۇك تاسىمالى الداعى جىلدارى ايتارلىقتاي وسەتىنىنە سەنىمدى. ەۋروپاعا كەلەتىن قىتايلىق تاۋارلاردى تاسىمالداۋ كولەمى مەن لوگيستيكاسىنىڭ دامۋى تار جانە كەڭ تەمىرجول تورابىنداعى جۇك تيەۋ ينفراقۇرىلىمىن دامىتۋدى تالاپ ەتەدى. وسىعان بايلانىستى ترانزيتتىك تاسىمالداۋدى قامتاماسىز ەتۋدىڭ جاڭا باعىتى رەتىندە زاحونى (ۆەنگريا) تەرمينالدىق ينفراقۇرىلىمىن پايدالانۋ قاراستىرىلۋدا.
"قازاقستان ارقىلى وتەتىن بارلىق باعىتتار بويىنشا كولەمدى ۇلعايتۋ بويىنشا ۇزدىكسىز جۇمىس جۇرگىزۋدە. ءبىز ايتارلىقتاي دامۋدى كورىپ وتىرمىز. ماسەلەن، 2021 جىلدىڭ 9 ايىندا ترانزيتتىك كونتەينەرلىك تاسىمال كولەمى 795 مىڭ جفف-تەن استامدى قۇرادى جانە 2020 جىلدىڭ سايكەس كەزەڭىمەن سالىستىرعاندا ءوسىم 28 پايىزدى قۇرادى. قازاقستان ارقىلى وتەتىن كونتەينەرلىك مارشرۋتتار جوعارى سۇرانىسقا يە. سونداي-اق، "KTZ Express" رەسەي، بالتىق پورتتارى جانە TMTM ارقىلى قحر-ەو باعىتىندا قوسىمشا باعىتتاردى دامىتۋ بويىنشا جۇمىس جۇرگىزۋدە. ونىڭ ىشىندە قازاقستاندىق بيدايدى كونتەينەرلىك پويىزدارمەن تۇركياعا جانە كومىردى قىتايعا ءۇستى اشىق كونتەينەرلەردە جانە تاياۋ شىعىس، افريكا، ورتالىق ەۋروپا ەلدەرىنە امبەباپ كونتەينەرلەردە ەكسپورتتاۋ بويىنشا جاڭا جوبالار بار", - دەدى "KTZ Express" اق باسقارما توراعاسى نۇرلان يگەمباەۆ.
تەمىرجول كولىگى دە قورشاعان ورتاعا تۇسەتىن اۋىرتپالىقتى ايتارلىقتاي تومەندەتەدى، بۇل ونى بۇگىنگى ەكولوگيالىق ماقساتتارعا جەتۋدىڭ نەگىزگى ەلەمەنتى بولا الادى.
قوس تاراپ الداعى ۋاقىتتا ۆەنگريا ارقىلى ورتالىق ەۋروپاعا ترانزيتتىك تاسىمالداۋدى دامىتۋ ىسكەرلىك قارىم-قاتىناستاردى دامىتۋعا جاڭا سەرپىن بەرەتىنىنە سەنىمدى.
"ادىرنا" ۇلتتىق پورتالى.
