Qazaqstan Vengrııa arqyly Ortalyq Eýropaǵa tranzıttik tasymaldaýdy damytýdy kózdeıdi

392

"Celiz ortalyq eýropalyq logıstıkalyq-ındýstrıaldy aımaǵy" jobasynyń ókilderi men "KTZ Express" AQ basqarma tóraǵasy Nurlan Igembaev ózara memorandýmǵa qol qoıdy, dep habarlaıdy "Adyrna" ulttyq portaly.

Taraptar Qytaı men Eýropa arasyndaǵy temirjol júk tasymaly aldaǵy jyldary aıtarlyqtaı ósetinine senimdi. Eýropaǵa keletin qytaılyq taýarlardy tasymaldaý kólemi men logıstıkasynyń damýy tar jáne keń temirjol torabyndaǵy júk tıeý ınfraqurylymyn damytýdy talap etedi. Osyǵan baılanysty tranzıttik tasymaldaýdy qamtamasyz etýdiń jańa baǵyty retinde Zahony (Vengrııa) termınaldyq ınfraqurylymyn paıdalaný qarastyrylýda.

"Qazaqstan arqyly ótetin barlyq baǵyttar boıynsha kólemdi ulǵaıtý boıynsha úzdiksiz jumys júrgizýde. Biz aıtarlyqtaı damýdy kórip otyrmyz. Máselen, 2021 jyldyń 9 aıynda tranzıttik konteınerlik tasymal kólemi 795 myń JFF-ten astamdy qurady jáne 2020 jyldyń sáıkes kezeńimen salystyrǵanda ósim 28 paıyzdy qurady. Qazaqstan arqyly ótetin konteınerlik marshrýttar joǵary suranysqa ıe. Sondaı-aq, "KTZ Express" Reseı, Baltyq porttary jáne TMTM arqyly QHR-EO baǵytynda qosymsha baǵyttardy damytý boıynsha jumys júrgizýde. Onyń ishinde qazaqstandyq bıdaıdy konteınerlik poıyzdarmen Túrkııaǵa jáne kómirdi Qytaıǵa ústi ashyq konteınerlerde jáne Taıaý Shyǵys, Afrıka, Ortalyq Eýropa elderine ámbebap konteınerlerde eksporttaý boıynsha jańa jobalar bar", - dedi "KTZ Express" AQ basqarma tóraǵasy Nurlan Igembaev.

Temirjol kóligi de qorshaǵan ortaǵa túsetin aýyrtpalyqty aıtarlyqtaı tómendetedi, bul ony búgingi ekologııalyq maqsattarǵa jetýdiń negizgi elementi bola alady.

Qos tarap aldaǵy ýaqytta Vengrııa arqyly Ortalyq Eýropaǵa tranzıttik tasymaldaýdy damytý iskerlik qarym-qatynastardy damytýǵa jańa serpin beretinine senimdi.

"Adyrna" ulttyq portaly.

Pikirler
Redakııa tańdaýy