نوۆوسيبيرسك وبلىسى بويىنشا روسسەلحوزنادزور باسقارماسىنىڭ قىزمەتكەرلەرى قازاقستان رەسپۋبليكاسىمەن شەكارادا ورنالاسقان "قاراسۋق" فيتوسانيتارلىق باقىلاۋ بەكەتىندە 18 توننا جاڭا پىسكەن قۇرمانى وتكىزبەگەن.
كارانتيندىك فيتوسانيتاريالىق باقىلاۋدى جۇرگىزۋ كەزىندە قازاقستان رەسپۋبليكاسىنىڭ اۋماعىنان جوعارى فيتوسانيتارلىق قاۋىپتى ءونىم پارتياسى وزبەكستان رەسپۋبليكاسىنىڭ فيتوسانيتاريالىق سەرتيفيكاتىنىڭ كوشىرمەسىنسىز تاسىمالدانعانى انىقتالدى.
وسىعان ۇقساس سەبەپپەن وتكەن اپتادا وزبەكستاندىق كارانتينگە جاتقىزىلعان ءونىمنىڭ 4 پارتياسى ء(جۇزىم، قارا ورىك، انار، كەپتىرىلگەن جەمىستەر، يتمۇرىن، جەرجاڭعاق، كۇرىش جارماسى، كەپتىرىلگەن بۇرشاق) جالپى سالماعى 77,2 توننانى قۇراعان ءونىمدى رەسەي بەكەتتەرى وتكىزبەي قويعان بولاتىن. رەسەي سوڭعى اپتالاردا قازاقستان اۋماعى ارقىلى تاسىمالدانعان جالپى سالماعى 222,9 توننانى قۇرايتىن جۇكتى كەرى قايتارعان.
"ادىرنا" ۇلتتىق پورتالى
