پاۆلودار وبلىسىندا 23 جاسار جىگىت ءجاسوسپىرىم مەكتەپ وقۋشىسىن بالعامەن ۇرعان، دەپ حابارلايدى "ادىرنا" ۇلتتىق پورتالى.
وقيعا قىركۇيەك ايىنىڭ باسىندا ميچۋرينو اۋىلىنىڭ ماڭىندا بولعان.
زارداپ شەگۋشىنىڭ اناسىنىڭ ايتۋىنشا، ۇلى ءوزى كارتوپ پەن ءسابىز جيناپ، قوسىمشا تابىس تاپقىسى كەلگەن. وكىنىشكە وراي، جۇمىس ىستەيمىن دەگەن نيەتى ءساتسىز اياقتالدى.
بالام 23 جاستاعى جىگىت ونىڭ قولىنان بالعامەن ۇرعانىن ايتتى. ولار سول جەردە سوزگە كەلىپ قالعان. ودان كەيىن ۇلىم 10 كۇن اۋرۋحانادا جاتىپ، وتا جاسالىپ، ءبىر جارىم ايدان بەرى گيپسپەن ءجۇرىپ كەلەدى. سول كۇنى پوليتسياعا ارىز جازدىم، – دەيدى ايگۇل ادريشەۆا.
Irbistv.kz تىلشىسىنە ءمان-جايدى پوليتسەيلەر ءتۇسىندىردى. اناسىنا سوتقا جۇگىنۋ كەرەك بولىپ شىقتى.
«ابايسىزدا دەنساۋلىققا زيان كەلتىرۋ» بابىندا كوزدەلگەن قۇقىق بۇزۋشىلىق جەكە ايىپتاۋ ىسىنە جاتادى. جەكە ايىپتاۋدى تۇلعانىڭ قىلمىستىق جاۋاپكەرشىلىككە تارتۋ تۋرالى زاڭدىلىق نورمالارىن ساقتاي وتىرىپ، سوتقا شاعىمدانۋ ارقىلى قوزعالادى، - دەدى وبلىستىڭ دپد ءباسپاسوز قىزمەتىنىڭ جەتەكشىسى جاننا بەليالوۆا.
پوليتسەيلەر بۇل ەرەجەلەر زارداپ شەككەن وقۋشىنىڭ اناسىنا ءتۇسىندىرىلدى دەپ اتاپ ءوتتى.
ولار ءتىپتى سوتقا دۇرىس ارىز جازۋعا كومەكتەسەتىن تەگىن ادۆوكات تاپتى.
"ادىرنا" ۇلتتىق پورتالى
