ۋكرايناعا ەلدىڭ قارۋلى كۇشتەرىنىڭ قاجەتتىلىكتەرى ءۇشىن اقش ۇكىمەتىنەن 60 ميلليون دوللارعا قوسىمشا حالىقارالىق اسكەري كومەكتىڭ ءۇشىنشى پارتياسى كەلدى. ونىڭ قۇرامىنا وق-دارىلەر، تانككە قارسى قارۋ، مەديتسينالىق قۇرال-جابدىقتار جانە تاعى باسقالار كىرەدى دەپ حابارلايدى "ادىرنا" ۇلتتىق پورتالى ۋكراينا قورعانىس مينيسترلىگىنە سىلتەمە جاساپ.
"بۇگىن ءبىز ۋكراينا مەن اقش پرەزيدەنتتەرى ۆلاديمير زەلەنسكي مەن دجو بايدەن اراسىنداعى كەلىسىمدەردىڭ ناتيجەسىندە اقش-تان تاعى ءبىر كومەك ۇشاعىن الدىق. بۇل ءبىزدىڭ اسكەريلەر ءۇشىن شىنايى، اشىق، جەدەل جاردەم، ولار وسى مەديتسينالىق جانە جاۋىنگەرلىك قامتاماسىز ەتۋ قۇرالدارىن مايدان شەبىندە پايدالانا الادى", - دەدى ۋكراينا قورعانىس ءمينيسترىنىڭ ورىنباسارى الەكساندر نوسوۆ.
ءوز كەزەگىندە اقش-تىڭ ۋكرايناداعى ەلشىلىگىنىڭ ارميا جانە قورعانىس بويىنشا اتتاشەسى، پولكوۆنيك بريتتاني ستيۋارت "امەريكا قۇراما شتاتتارى لوگيستيكالىق كومەك پەن تاكتيكالىق ستراتەگيالىق دايارلىقتى قامتيتىن قارۋلى كۇشتەردى دامىتۋدا ۋكرايناعا كومەكتەسىپ جاتقانىن" اتاپ ءوتتى.
ول سونداي-اق ۆاشينگتوننىڭ ۋكراينانى ناتو قاتارىنداعى "بەيبىت جانە ەركىن ەل" رەتىندە كورگىسى كەلەتىنىن ايتتى.
ۋكراينا قارۋلى كۇشتەرى باس شتابىنىڭ ماتەريالدىق-تەحنيكالىق قامتاماسىز ەتۋ باسقارماسىنىڭ باستىعى نيكولاي شەۆتسوۆتىڭ ايتۋىنشا، اقش-تان كەلگەن اسكەري-تەحنيكالىق كومەككە جوعارى تەحنولوگيالى جانە وتە تاپشى تەحنيكالار مەن قارۋ-جاراقتار، سونداي-اق مايدان شەبىنە قاجەتتى وق-دارىلەر كىرەدى.
— بۇرىن الىنعان قاراجات قازىردىڭ وزىندە باتارەياعا قارسى جانە تانككە قارسى سوعىستاعى، سونداي-اق بارلاۋداعى مۇمكىندىكتەرىمىزدى ارتتىرىپ جاتىر، — دەدى ول.
"ادىرنا" ۇلتتىق پورتالى.
