Ýkraınaǵa eldiń qarýly kúshteriniń qajettilikteri úshin AQSh úkimetinen 60 mıllıon dollarǵa qosymsha halyqaralyq áskerı kómektiń úshinshi partııasy keldi. Onyń quramyna oq-dáriler, tankke qarsy qarý, medıınalyq qural-jabdyqtar jáne taǵy basqalar kiredi dep habarlaıdy "Adyrna" ulttyq portaly Ýkraına qorǵanys mınıstrligine silteme jasap.
"Búgin biz Ýkraına men AQSh prezıdentteri Vladımır Zelenskıı men Djo Baıden arasyndaǵy kelisimderdiń nátıjesinde AQSh-tan taǵy bir kómek ushaǵyn aldyq. Bul bizdiń áskerıler úshin shynaıy, ashyq, jedel járdem, olar osy medıınalyq jáne jaýyngerlik qamtamasyz etý quraldaryn maıdan shebinde paıdalana alady", - dedi Ýkraına qorǵanys mınıstriniń orynbasary Aleksandr Nosov.
Óz kezeginde AQSh-tyń Ýkraınadaǵy elshiliginiń armııa jáne qorǵanys boıynsha attashesi, polkovnık Brıttanı Stıýart "Amerıka Qurama Shtattary logıstıkalyq kómek pen taktıkalyq strategııalyq daıarlyqty qamtıtyn Qarýly Kúshterdi damytýda Ýkraınaǵa kómektesip jatqanyn" atap ótti.
Ol sondaı-aq Vashıngtonnyń Ýkraınany NATO qataryndaǵy "beıbit jáne erkin el" retinde kórgisi keletinin aıtty.
Ýkraına Qarýly Kúshteri Bas shtabynyń Materıaldyq-tehnıkalyq qamtamasyz etý basqarmasynyń bastyǵy Nıkolaı Shevovtiń aıtýynsha, AQSh-tan kelgen áskerı-tehnıkalyq kómekke joǵary tehnologııaly jáne óte tapshy tehnıkalar men qarý-jaraqtar, sondaı-aq maıdan shebine qajetti oq-dáriler kiredi.
— Buryn alynǵan qarajat qazirdiń ózinde batareıaǵa qarsy jáne tankke qarsy soǵystaǵy, sondaı-aq barlaýdaǵy múmkindikterimizdi arttyryp jatyr, — dedi ol.
"Adyrna" ulttyq portaly.
