زاڭنامامەن كوزدەلگەن بەيبىت جينالىستاردى وتكىزۋ ءتارتىبى ءتۇسىندىرىلدى

1384

الەۋمەتتىك جەلىلەردە جەكەلەگەن تۇلعالار زاڭسىز ميتينگىلەر جانە باسقا دا بەيبىت جينالىستارعا قاتىسۋعا شاقىرۋلار تاراتۋدا.

اقتوبە وبلىسىنىڭ پروكۋراتۋراسى ميتينگىلەردى ۇيىمداستىرۋ جانە وتكىزۋ ءتارتىبى 2020 جىلدىڭ 25 مامىرىندا قابىلدانعان «قازاقستان رەسپۋبليكاسىندا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» جاڭا زاڭمەن (ودان ءارى - زاڭ) رەتتەلەتىنىن ەسكە سالادى.

ناقتى ايتقاندا، جينالىستار، ميتينگىلەر مەن پيكەتتەردى ۇيىمداستىرۋ جانە وتكىزۋ ءۇشىن حابارلاما جاساۋ ءتارتىبى قاراستىرىلعان.

ولاردى وتكىزۋ تۋرالى حابارلاما بەلگىلەنگەن كۇنگە دەيىن 5 جۇمىس كۇنىنەن كەشىكتىرمەي جەرگىلىكتى اتقارۋشى ورگانعا جازباشا نىساندا بەرىلەدى.

وندا بەيبىت جينالىستىڭ ماقساتى مەن نىسانى، ۇيىمداستىرۋشىلار مەن قوعامدىق ءتارتىپتى ساقتاۋعا جاۋاپتى ادامداردىڭ دەرەكتەرى كورسەتىلەدى (زاڭنىڭ 10-بابى).

اتالعان حابارلامانى جەرگىلىكتى اتقارۋشى ورگان ونى تىركەگەن كۇننەن باستاپ 3 جۇمىس كۇنى ىشىندە قاراۋعا ءتيىس (زاڭنىڭ 11-بابى). وسى 3 كۇن وتكەننەن كەيىن جاۋاپ بولماعان جاعدايدا، ۇيىمداستىرۋشى بەرىلگەن حابارلاماعا سايكەس بەيبىت جينالىس وتكىزۋگە قۇقىلى.

دەمونستراتسيالار مەن شەرۋلەر كەلىسۋ تارتىبىمەن وتكىزىلەدى.

ول ءۇشىن ۇيىمداستىرۋشى ونىڭ وتكىزىلەتىن كۇنىنە دەيىن 10 جۇمىس كۇن بۇرىن ءوتىنىش بەرۋگە، ال جەرگىلىكتى اتقارۋشى ورگان ول بويىنشا 7 جۇمىس كۇنى ىشىندە جاۋاپ بەرۋگە مىندەتتى (زاڭنىڭ 12, 13-باپتارى).

ۇيىمداستىرۋشى وتىنىشتە قاتىسۋشىلاردىڭ ءجۇرۋ باعىتىن، سونداي-اق قوعامدىق ءتارتىپتى ساقتاۋدى، مەديتسينالىق كومەكتى ۇيىمداستىرۋدى، ءورت قاۋىپسىزدىگىن قامتاماسىز ەتۋگە جاردەمدەسۋ شارالارىن كورسەتەدى (زاڭنىڭ 12-بابى).

ءوتىنىشتى قاراۋ قورىتىندىلارى بويىنشا جەرگىلىكتى اتقارۋشى ورگان ۇيىمداستىرۋشىعا دەمونستراتسيا نەمەسە شەرۋ وتكىزۋ كەلىسىلگەنى نە ونى وتكىزۋدەن باس تارتقانى تۋرالى حابارلايدى (زاڭنىڭ 13-بابى).

زاڭ بويىنشا بەيبىت جينالىستار قاتاڭ تۇردە ارنايى جەرلەردە جانە قالالىق، اۋداندىق ماسليحاتتارمەن بەلگىلەگەن مارشرۋت بويىنشا ۇيىمداستىرىلۋى جانە وتكىزىلۋى ءتيىس.

الايدا بەيبىت جينالىستاردى ۇيىمداستىرۋ جانە وتكىزۋ تۋرالى جەرگىلىكتى اتقارۋشى ورگاندارعا ءتيىستى حابارلامالار مەن وتىنىشتەر بەرىلمەيدى نەمەسە ولار بويىنشا كەلىسۋدەن باس تارتىلعان.

بۇل رەتتە، قىزمەتى قازاقستان رەسپۋبليكاسىنىڭ زاڭدارىندا بەلگىلەنگەن تارتىپپەن توقتاتىلا تۇرعان نەمەسە وعان تىيىم سالىنعان ۇيىم بەيبىت جينالىستاردى ۇيىمداستىرۋشى بولا المايدى (زاڭنىڭ 5-بابى 6-تارماعىنىڭ 4-تارماقشاسى).

تيىسىنشە، زاڭدى (3-باپتىڭ 3-تارماعىن) بۇزا وتىرىپ جۇرگىزىلەتىن بەيبىت جينالىستاردى ۇيىمداستىرۋ جانە وعان قاتىسۋ قۇقىققا قايشى بولىپ تابىلادى جانە اكىمشىلىك قۇقىق بۇزۋشىلىق تۋرالى كودەكستىڭ 488-بابى بويىنشا اكىمشىلىك جاۋاپتىلىققا اكەپ سوعادى (25 تاۋلىككە دەيىن قاماۋعا الۋ).

ەگەر بۇل ارەكەتتەر ازاماتتاردىڭ، ۇيىمداردىڭ، قوعامنىڭ نەمەسە مەملەكەتتىڭ قۇقىقتارى مەن زاڭدى مۇددەلەرىنە ەلەۋلى زيان كەلتىرۋمەن قاتار جۇرەتىن بولسا، قىلمىستىق كودەكستىڭ 400-بابى بويىنشا قىلمىستىق جاۋاپتىلىق تۋىندايدى، ول ايىپپۇل نە 200 اەك-كە دەيىنگى مولشەردە تۇزەۋ جۇمىستارى نەمەسە 200 ساعاتقا دەيىنگى مەرزىمگە قوعامدىق جۇمىستارعا تارتۋ نە 50 تاۋلىككە دەيىنگى مەرزىمگە قاماۋ تۇرىندەگى جازانى كوزدەيدى.

بۇدان باسقا، «سovid-19» كوروناۆيرۋستىق ينفەكتسياسىنىڭ پاندەمياسىنا بايلانىستى اقتوبە وبلىسىنىڭ باس مەملەكەتتىك سانيتاريالىق دارىگەرىنىڭ 2021 جىلعى 1 قازانىنداعى №پگسۆ-38 «اقتوبە وبلىسىنىڭ تۇرعىندارى اراسىندا كوروناۆيرۋس ينفەكتسياسىنىڭ الدىن الۋ جونىندەگى شەكتەۋ كارانتيندىك شارالاردى تۋرالى» قاۋلىسىمەن بەلگىلەنگەن ادامدار كوپ جينالاتىن ءىس-شارالاردى وتكىزۋگە سالىنعان تىيىم ءالى دە قولدانىستا ەكەندىگىن ەسكە سالامىز.

ونى ساقتاماعانى ءۇشىن اكىمشىلىك (اقبتك-ءنىڭ 425-بابى – حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناما تالاپتارىن بۇزۋ – 30-دان 200 اەك-كە دەيىن ايىپپۇل) جانە قىلمىستىق (قك-ءنىڭ 304-بابى – سانيتاريالىق قاعيدالاردى نەمەسە گيگيەنالىق نورماتيۆتەردى ابايسىزدا ادامداردىڭ جاپپاي سىرقاتتانۋىنا، اۋرۋ جۇقتىرۋىنا اكەپ سوققان بۇزۋ – 2 مىڭ اەك مولشەرىندەگى ايىپپۇلدان باستاپ 5 جىلعا دەيىنگى مەرزىمگە باس بوستاندىعىنان ايىرۋعا دەيىن)جاۋاپتىلىق كوزدەلگەن.

اقتوبە وبلىسىنىڭ پروكۋراتۋراسى ازاماتتاردى قولدانىستاعى زاڭناما نورمالارىن مۇلتىكسىز ساقتاۋعا، ارانداتۋشىلىققا بوي الدىرماۋعا جانە زاڭسىز اكتسيالارعا قاتىسۋدان باس تارتۋعا شاقىرادى.

قۇقىق قورعاۋ ورگاندارى بەلگىلەنگەن تارتىپكە، قوعامدىق قاۋىپسىزدىككە قول سۇعاتىن كەز كەلگەن قۇقىق بۇزۋشىلىقتىڭ جولىن كەسەدى، سونداي-اق ولارعا جول بەرمەۋ جونىندە زاڭدا كوزدەلگەن شارالاردى قولدانادى.

اقتوبە وبلىسىنىڭ پروكۋراتۋراسى

پىكىرلەر
رەداكتسيا تاڭداۋى