تۇركيانىڭ كوپكە تانىمال بيلكەنت سيمفونيالىق وركەسترى جاڭا ماۋسىمداعى كونتسەرتىن تۇركى الەمىنىڭ ونەرپازدارىمەن بىرگە باستادى، دەپ حابارلايدى "ادىرنا" ۇلتتىق پورتالى.
حالىقارالىق تۇركسوي ۇيىمىمەن بىرلەسكەن جوبا اياسىندا جورجا بيزەنىڭ «كارمەن» وپەراسى ساحنالاندى. بۇل مادەني شارانى تۇركى مادەنيەتى حالىقارالىق ۇيىمىن باۋىرلاس ەلدەردىڭ تاۋەلسىزدىگىنىڭ 30 جىلدىعىنا ارناپ وتىر.
ازەربايجاندىق شەف ەلشاد باگيروۆ ديريجەرلىك ەتكەن كونتسەرتكە «دارىن» مەملەكەتتىك جاستار سىيلىعىنىڭ لاۋرەاتى جەرلەسىمىز راسۋل جارماعامبەتوۆ تە قاتىستى. سونداي-اق وزبەكستان، تۇركيا، باشقۇرتستاننان كەلگەن انشىلەر دە ءوز ونەرلەرىن كورسەتتى. پاندەميا كەزىندە وپەرانى ساعىنعان حالىق كونتسەرت زالىن لىق تولتىردى.
ايتا كەتەيىك، ماۋسىمنىڭ اشىلۋىنا 3 مىڭعا جۋىق كورەرمەن قاتىسقان.
"ادىرنا" ۇلتتىق پورتالى
