گرۋزيانىڭ بۇرىنعى پرەزيدەنتى ميحايل سااكاشۆيليدىڭ ءحالى ناشار دەپ حابارلايدى "ادىرنا" ۇلتتىق پورتالى.
بۇل تۋرالى ۋكراينانىڭ جوعارعى رادا دەپۋتاتى ەليزاۆەتا ياسكو حابارلادى. ونىڭ ايتۋىنشا، سااكاشۆيليدىڭ دەنساۋلىعى بىرنەشە اپتادان بويى اشتىق جاريالاعاندىقتان، كۇرت تومەندەگەن. ول قازىر رۋستاۆي قالاسىنداعى تۇرمەدە. وسىنىڭ الدىندا ساياساتكەر دارىگەرگە قارالۋعا جانە ءدارى قابىلداۋعا كەلىسكەن ەدى. ەندى ونى اۋرۋحاناعا جاتقىزۋ كەرەك.
ەستەرىڭىزگە سالا كەتەيىك، سااكاشۆيلي گرۋزياعا 8 جىلدان كەيىن قايتىپ كەلگەن كەزدە قاماۋعا الىندى. ورالۋ ماقساتى نارازىلىق شەرۋىنە قاتىسۋ بولاتىن. سااكاشۆيليگە تۋعان ەلىندە بىرنەشە ايىپ تاعىلعان.
"ادىرنا" ۇلتتىق پورتالى.
