الماتى وبلىسىندا "Qabilet" قىزمەتى جوباسى جۇزەگە اسىرىلۋدا

2277
Adyrna.kz Telegram

ەلباسىنىڭ باستاماسىمەن 2019 جىلى "ەل ءۇمىتى"باستاماسى جۇزەگە اسىرىلعانى بارشاعا ءمالىم. وسى باستاما اياسىندا اعىمداعى جىلدىڭ قازان ايىنان باستاپ ءبىزدىڭ وبلىستا "Qabilet"قىزمەتى ىسكە اسىرىلۋدا. «Jetisý Media» الاڭىندا وتكەن ءباسپاسوز-ءماسليحاتىندا الماتى وبلىسى ءبىلىم باسقارماسى باسشىسىنىڭ ورىنباسارى ايجان ادامبەكوۆا مەن الماتى وبلىسى "جەتىسۋ دارىنى" ورتالىعىنىڭ ديرەكتورى الىشەر باشاروۆ وسى جوبانىڭ ەرەكشەلىكتەرى تۋرالى ايتىپ بەردى.

جوبانى "ەلباسى اكادەمياسى" كورپوراتيۆتىك قورى قازاقستان رەسپۋبليكاسى ءبىلىم جانە عىلىم مينيسترلىگى مەن الماتى وبلىسى اكىمدىگىنىڭ قولداۋىمەن جۇزەگە اسىراتىنى بەلگىلى بولدى.

"بۇل جوبانىڭ ماقساتى-وقۋشىلاردىڭ قابىلەتتەرى مەن كاسىبي باعدارىن دياگنوستيكالاۋدىڭ ۇلتتىق جۇيەسىن قۇرۋ، سونداي-اق دارىندى بالالار مەن جاستاردىڭ زياتكەرلىك جانە جەكە الەۋەتىن ىسكە اسىرۋ ءۇشىن سۇيەمەلدەۋ جانە قولداۋ قىزمەتىن ۇيىمداستىرۋ. ءبىرىنشى كەزەڭدە جوباعا 10-11 جاس ارالىعىنداعى وقۋشىلار قاتىسا الادى، ولار 5 جانە 6-سىنىپ وقۋشىلارى. الماتى وبلىسى بويىنشا 5 سىنىپتىڭ 45 937 وقۋشىسى جانە 6 سىنىپتىڭ 47 411 وقۋشىسى ءبىلىم الۋدا. كەلەسى كەزەڭدەردە ءجاسوسپىرىم بالالار قامتىلادى", - دەدى ايجان ادامبەكوۆا.

وقۋشىلاردىڭ قابىلەتتەرىن باعالاۋ بويىنشا تەستىلەر دامىعان زياتكەرلىك، كوممۋنيكاتيۆتىك جانە شىعارماشىلىق الەۋەتى، سونداي-اق جوعارى اكادەميالىق جەتىستىكتەرى بار بالالاردى ءارى قاراي بىلىمدىك سۇيەمەلدەۋ جانە كاسىبي باعدارلاۋ ماقساتىندا انىقتاۋعا ارنالعان.

ال دياگنوستيكا مەن قابىلەتتەردى انىقتاۋ "جەتىسۋ دارىنى" وقۋ-ادىستەمەلىك ورتالىعىنىڭ بازاسىندا جانە ەلباسى اكادەمياسىنىڭ "Qabilet" ونلاين پلاتفورماسىندا جۇزەگە اسىرىلادى qabilet.elbasyacademy.kz.
وسى وقۋ جىلىندا سايتتا تەك 10-11 جاستاعى بالالار تىركەلىپ، تەست تاپسىرا الاتىنىنا نازار اۋدارامىز. سونداي-اق جسن ءبىلۋ جانە وزىمەن بىرگە قولدانىستاعى تەلەفون ءنومىرى بولۋى قاجەت، وندا سايتتا تىركەلگەنىن راستايتىن سمس حابارلاما كەلەدى. سايتتىڭ تومەنگى بۇرىشىندا قيىندىقتار تۋىنداعان كەزدە حابارلاسۋعا بولاتىن Call ورتالىقتىڭ جانە چات-كەڭەسشىنىڭ تەلەفونى كورسەتىلگەن.

Call ورتالىقتىڭ ءنومىرى 8 800 080 48 48. Call ورتالىق ساعات 9.00-18.00 ارالىعىندا نۇر-سۇلتان ق.ۋاقىتى بويىنشا جۇمىس ىستەيدى (كۇن سايىن), Call ورتالىققا قوڭىراۋ شالۋ تەگىن. "Qabilet" قىزمەتى ءبىزدىڭ ايماقتاعى بالالاردىڭ قابىلەتتەرىن جۇيەلى تۇردە انىقتاۋعا، ولاردىڭ تالانتتارىن شىڭداۋعا جانە بولاشاق ماماندىعىن دۇرىس تاڭداۋعا كومەكتەسەدى دەپ سەنەمىز. ءبىزدىڭ ايماقتىڭ بارلىق ءبىلىم بەرۋ مەكەمەلەرىنىڭ باسشىلارى مەن اتا– انالارىنا وسى قىزىقتى جوباعا نازار اۋدارۋدى، ول تۋرالى ءوز وقۋشىلارى مەن بالالارىنا مىندەتتى تۇردە ايتىپ بەرۋدى ۇسىنامىن،- دەدى الىشەر باشاروۆ.

"ادىرنا" ۇلتتىق پورتالى

پىكىرلەر