قىتايدىڭ سولتۇستىگىندەگى شانسي پروۆينتسياسىندا ۇزاق ۋاقىتقا سوزىلعان جاڭبىردان بولعان سۋ تاسقىنى سالدارىنان 1,76 ميلليوننان استام ادامدى شۇعىل تۇردە كوشىردى دەپ حابارلايدى "ادىرنا" ۇلتتىق پورتالى "China Daily" سايتىنا سىلتەمە جاساپ.
شانسي مەن شەنسي پروۆينتسيالارىندا بولعان قاتتى سۋ تاسقىنىنان قىتايدىڭ تابيعي اپاتتاردى ازايتۋ جونىندەگى ۇلتتىق كوميسسياسى مەن توتەنشە جاعدايلار مينيسترلىگى بىرلەسىپ، 4-ءشى دەڭگەيدەگى توتەنشە جاعدايلاردى جويۋ جوسپارىن جاسادى. ەكى مەملەكەتتىك ورگان دا اپاتتى جويۋعا كومەكتەسۋ ءۇشىن زارداپ شەككەن اۋداندارعا جۇمىس توبىن جىبەردى.
پروۆينتسيانىڭ توتەنشە جاعدايلار دەپارتامەنتى شانسي پروۆينتسياسىنىڭ 76 وكرۋگىندە 1,76 ميلليوننان استام ادام سۋ تاسقىنىنان زارداپ شەككەنىن، 120 100 ادام قاۋىپسىز جەرگە كوشىرىلگەنىن حابارلادى.
دەپارتامەنت 17 مىڭنان استام ءۇيدىڭ قۇلاعانىن، 190 مىڭ گەكتار اۋىلشارۋاشىلىق جەرلەرىنىڭ سۋ تاسقىنىنان زارداپ شەككەنىن اتاپ ءوتتى.
جەرگىلىكتى شەنەۋنىكتەردىڭ حابارلاۋىنشا، كومىرگە باي پروۆينتسيادا نوسەر جاڭبىردان كەيىن 60 كومىر شاحتاسى جۇمىسىن توقتاتقان.
پروۆينتسيا سۋ تاسقىنىنان قاتتى زارداپ شەككەن ادامدارعا كومەكتەسۋ ءۇشىن 20 ميلليون يۋان (3,1 ميلليون دوللار) ءبولدى جانە تابيعي اپاتتارعا توتەنشە جاعدايدىڭ ءۇشىنشى دەڭگەيىن ىسكە قوستى.
"ادىرنا" ۇلتتىق پورتالى
