ەرلان سايروۆ: التىن وندىرۋشىلەر سۋ زاڭدارىن ورەسكەل بۇزىپ وتىر

1349
8-قازان كۇنى كۇرشىم كەنتىنەن شىعىپ، كۇرشىم وزەنىنىڭ بويىمەن سۋدىڭ ساپاسىن تەكسەرۋ ماقساتىندا ءجۇرىپ وتتىك. مارالدى اۋىلىنىڭ تەرريتورياسىندا التىن وندىرۋمەن اينالىساتىن "مارالدى" جشس ورنالاسقان ەكەن.
بۇل كاسىپورىندا ەكولوگيالىق تالاپتاردان اۋىتكۋشىلىق بايقالادى.
ول جونىندە جەرگىلىكتى ەكولوگيا باسقارماسى وكىلدەرى باياندادى.
مەن ءوز كەزەگىمدە جۇمىستى ەكولوگيالىق تالاپتارعا ساي جانە جەرگىلىكتى حالىقپەن بىرىگىپ ىستەۋ كەرەكتىىنە نازار اۋداردىم.
ونان كەيىن "ۆيزول" جشس تەرريتورياسىنا كەلدىك.
"ۆيزولدىڭ" سۋ بويىندا جۇمىس ىستەۋگە بارلىق ليتسەنزيالارى بار جانە ەكولوگيالىق تالاپتاردىڭ بارشاسىن ورىنداپ وتىرعاندىعى انىقتالدى. بۇل كاسىپورىننىڭ ءوندىرىس ورىندارى كۇرشىم وزەنىنەن الىستا ورنالاسقان جانە جەردى رەكۋلتيۆاتسيا جاساۋمەن جۇيەلى اينالىسىپ كەلەدى. بۇكىل جۇمىستارى وبلىستىك سۋ باسسەينى، ەكولوگيا، ورمان شارۋاشلىلىعى وكىلدەرىنىڭ باقىلاۋىندا ءىس-جۇزىنە اسادى.
كۇرشىم وزەنىنىڭ بويىندا ورنالاسقان ەكى كاسىپورىننىڭ ۇلكەندى-كىشىلى ءتارتاپ بۇزۋشىلىق بولعانمەن، وزەنگە ەكولوگيالىق قاۋىپ ءتوندىرىپ تۇرعان جوق.
بىراق ءبىز التىن وندىرىۋشىلەرگە جەرگىلىكتى حالىقپەن بىرىگىپ جۇمىس ىستەۋ كەرەكتىگىن، ەكولوگيالىق نورمالاردى قاتاڭ ساقتاۋ، ەڭبەككەرلەردىڭ جالاقىسىن ارتتىرۋ ماسەلەسىنە نازار اۋدارىپ كەتتىك.
قالجىر وزەنىنىڭ بويىندا التىن وندىرۋشىلەر قازاقستاننىڭ ەكولوگيا، سۋ زاڭدارىن ورەسكەل بۇزعان، باسبۇزارلىقپەن اينالىسقان دەپ ايتۋعا بولادى.
ۆارۆارلىق ءادىس.
بۇل جاقتاعى ماسەلەمەن وبلىس اكىمىنىڭ ورىنباسارى ەرجان نۇرباەۆ تىكەلەي اينالىسۋدا.
جالپى، قالجىر حالقى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆقا ماسەلەنى ءوز باقىلاۋىندا ۇستاپ وتىرعانىنا بايلانىستى، راحمەتىن جەتكىزۋدە.
بۇل جاقتاعى ەكولوگيالىق جاعدايدى، وسىنداي "اتتەگەن-ايدىڭ" قايتالانباۋ ماسەلەسىن Nur-Otan فراكتسياسى مۇشەلەرى ءوز باقىلاۋىنا الادى.
"ادىرنا" ۇلتتىق پورتالى
پىكىرلەر
رەداكتسيا تاڭداۋى