قازاقستان رەسپۋبليكاسى تاۋەلسىزدىگىنىڭ ەرەكشە 30 جىلدىعى مەن ۇلى اعارتۋشى ىبىراي ءالتىنساريننىڭ 180-جىلدىعىندا قوستانايدا قازاقستان رەسپۋبليكاسىنىڭ ءبىلىم جانە عىلىم ءمينيسترى اسحات ايماعامبەتوۆتىڭ قاتىسۋىمەن مۇعالىم كۇنىنە ارنالعان سالتاناتتى ءىس-شارالار ءوتتى. سونداي-اق، «ۇزدىك پەداگوگ-2021» رەسپۋبليكالىق بايقاۋىنىڭ جەڭىمپازدارى، ەلىمىزدىڭ بارلىق وڭىرلەرىندەگى ءبىلىم باسقارمالارىنىڭ باسشىلارى وبلىس قوناقتارى رەتىندە بولدى.
رەسپۋبليكادا جىل سايىن وتەتىن «ۇزدىك پەداگوگ» كونكۋرسى تۇراقتى تۇردە عىلىمي سايىستاردىڭ جۇلدەگەرلەرى بولىپ اتانعان، ءوز جۇمىس جۇيەسىن قۇرعان ەلىمىزدىڭ مەكتەپتەرى مەن كوللەدجدەرىنىڭ تالانتتى جانە كرەاتيۆتى پەداگوگتەرىن انىقتاۋعا كومەكتەسەدى.
ەلىمىزدىڭ ۇزدىك پەداگوگتەرىن ماراپاتتاۋدىڭ ونىنشى مەرەيتويلىق ءراسىمى قوستاناي جەرىندە، قازاقتىڭ ۇلى اعارتۋشىلارى مەن جازۋشىلاردىڭ ەلىندە ءوتتى.
ءبىزدىڭ وبلىسىمىز الەمگە بيىل 180 جىلدىعىن اتاپ وتەتىن ىبىراي ءالتىنساريندى، احمەت بايتۇرسىنوۆتى، شوقان ءۋاليحانوۆتى جانە سپانديار كوبەەۆتى سىيلادى. پەداگوگتاردىڭ جاڭا ۇرپاعى قازاق حالقىنىڭ كورنەكتى ۇلدارىنىڭ مۇراسىن مۇقيات ساقتاپ قانا قويماي، كاسىبي شەبەرلىك شىڭدارىنا جەتۋگە ۇمتىلادى.
29-قىركۇيەكتە ءبىلىم جانە عىلىم ءمينيسترى اسحات ايماعامبەتوۆ ماراپاتتاۋ راسىمىندە 64 ۇزدىك پەداگوگتى، ەلىمىزدىڭ بارلىق وڭىرلەرىنەن كەلگەن رەسپۋبليكالىق كونكۋرس جەڭىمپازدارىن قۇتتىقتادى. مينيستر مۇعالىم ماماندىعىنىڭ جانە ەلدىڭ بولاشاعى ءۇشىن «پەداگوگ مارتەبەسى تۋرالى» زاڭنىڭ ىسكە اسىرىلۋ ماڭىزدىلىعىن تاعى دا اتاپ ءوتتى، قازاقستان رەسپۋبليكاسىنىڭ بارلىق مۇعالىمدەرىن كاسىبي مەرەكەلەرىمەن قۇتتىقتادى.
جەڭىمپازداردىڭ ارقايسىسى 1000 اەك (2,9 ملن.تەڭگە) سەرتيفيكاتىمەن ماراپاتتالدى. بۇل پەداگوگتىڭ الەۋمەتتىك مارتەبەسىن ارتتىرۋداعى ماڭىزدى قادام.
مۇعالىم كۇنىندە پەداگوگيكالىق شەبەرلىكتىڭ ەڭ جوعارى ناتيجەلەرىنە قول جەتكىزگەن پەداگوگتەر ماراپاتتالادى. 10 پەداگوگ «ى. التىنسارين» جانە «قازاقستان رەسپۋبليكاسىنىڭ ءبىلىم بەرۋ ءىسىنىڭ قۇرمەتتى قىزمەتكەرى» توسبەلگىلەرىمەن، سونداي-اق پەداگوگيكالىق ەڭبەك ارداگەرلەرى ماراپاتتالدى.
سونداي-اق قوستاناي وبلىسىنىڭ اكىمى ارحيمەد مۇحامبەتوۆ «پەداگوگ قازاقستاندىق جانە حالىقارالىق كەڭىستىكتەگى ءبىلىم بەرۋ جۇيەسىنىڭ باستى تۇلعاسى» ەكەنىن اتاپ ءوتىپ، 20 پەداگوگكە ماراپاتتاۋ قاعازىن تابىستادى.
پەداگوگتارعا جانكەشتى ەڭبەگى، قازاقستاندىق مەكتەپتىڭ دامۋىنا قوسقان زور ۇلەسى، قازاقستاندىقتاردىڭ جاس ۇرپاعىن پاتريوتتىق رۋحتا تاربيەلەگەنى ءۇشىن زور العىسىمىزدى بىلدىرەمىز.
