بۇگىنگى ساناقتىڭ بۇرىنعى ساناقتان ايىرماشىلىعى قانداي؟

544

قازىرگى ۋاقىتتا ەلىمىزدە ۇلتتىق حالىق ساناعى ءوتىپ جاتىر.

مەملەكەتتىڭ ۇزاق مەرزىمدى دامۋ ستراتەگياسىن ايقىندايتىن ماڭىزدى ناۋقان 1 قىركۇيەك – 30 قازان ارالىعىن قامتيدى. ونىڭ باستى ايىرماشىلىعى ەلەكتروندى فورماتتا ۇيىمداستىرىلاتىندىعىندا.

ۇلتتىق ستاتيستيكا بيۋروسىنىڭ اتىراۋ وبلىسى بويىنشا دەپارتامەنتىنىڭ باسشىسى گاليا مۇحانعاليەۆانىڭ ايتۋىنشا، ۇلتتىق حالىق ساناعى www.sanaq.gov.kz مامانداندىرىلعان سايتىندا ينتەرنەت جەلىسى ارقىلى ونلاين رەجيمدە وتكىزىلۋدە. «Egov.kz» ۆەب-پورتالى جانە «Aitu» ءموبيلدى قوسىمشاسى ارقىلى دا ۇلتتىق حالىق ساناعىنان ءوتۋ مۇمكىندىكتەرى قاراستىرىلعان.سونىڭ ىشىندە، تۇرعىنداردىڭ حالىق ساناعىنان ونلاين رەجيمىندە ءوتۋىن قامتاماسىز ەتۋ ماقساتىندا، بۇگىنگى كۇنى اتىراۋ قالاسى مەن اۋداندار دەڭگەيىندە 90-نان استام نۇكتەدە «حالىق ساناعىنان ءوز بەتىنشە ءوتۋ بۇرىشتارى» قۇرىلدى.

ستاتيستيكا دەپارتامەنت باسشىسىنىڭ تۇسىندىرۋىنشە، جۇمىسپەن قامتۋ ورتالىقتارىنان اقىلى قوعامدىق جۇمىسقا تارتىلعان قىزمەتكەرلەر ارنايى وقۋ كۋرسىنان وتەدى. ولار دەپارتامەنتتىڭ جاۋاپتى ماماندارىمەن بىرلەسىپ تۇرعىندار ءۇشىن كونسۋلتاتسيالىق كومەك كورسەتەدى. بۇگىندە وبلىس تۇرعىندارى ءۇشىن حالىق ساناعىنان ونلاين رەجيمدە وتۋگە ىڭعايلى جاعدايلار جاساقتالعان. ازاماتتاردان تالاپ ەتىلەتىنى – وسى مۇمكىندىكتەردى ءمۇلت جىبەرمەي، ءوز تاراپتارىنان بەلسەندىلىك تانىتسا جەتكىلىكتى.

  • مالىمەتتەردى جيناقتاۋ ەكى ادىسپەن جۇزەگە اسىرىلادى. ونىڭ ءبىرىنشىسى – مامانداندىرىلعان sanaq.gov.kz سايتىندا ۆيرتۋالدى كومەكشىنىڭ جاردەمىمەن رەسپوندەنتتەردىڭ تۇرعان ورنىنا قاراماستان وزدىگىنەن ساناقتان ءوتۋى، ياعني ءوزى جانە وتباسى مۇشەلەرى ءۇشىن ساناق پاراقتارىن تولتىرۋى. بۇگىنگى كۇنى حالىق ساناعى وسى ادىسپەن (ول 1 قىركۇيەك – 15 قازان ارالىعىن قامتيدى) جۇزەگە اسىرىلۋدا.
  • ەكىنشىسى – ءۇي-جايلاردى ءداستۇرلى تۇردە ارالاۋ(1-30 قازان ارالىعى). مۇندا ينتەرۆيۋەرلەر (سۇحباتتاسۋشىلار) قولدارىنداعى پلانشەتتەردى پايدالانىپ، رەسپوندەنتتەرگە ساۋال سالۋى ارقىلى ەلەكتروندى ساناق پاراقتارىن تولتىرادى. ولار ءوز جۇمىستارىن (نەگىزىنەن ۇيلەردى ارالاۋ) ساناۋلى كۇندەردەن كەيىن باستايدى.

وسى رەتتە قالا تۇرعىندارىن الاياقتاردان ساقتانۋعا شاقىرامىز جانە مىندەتتى تۇردە تومەندەگىدەي بەلگىلەرگە نازار اۋدارۋلارىن سۇرايمىز: ينتەرۆيۋەردى ايىرىپ تانۋ ءۇشىن ولارعا حالىق ساناعىنىڭ لوگوتيپى بەينەلەنگەن كوك ءتۇستى پورتفەل، كوك ءتۇستى شارف جانە ارنايى كۋالىك بەرىلەدى. سونداي-اق، سۇحباتتاسۋشىنىڭ قولىندا مىندەتتى تۇردە پلانشەت بولادى. ال، كورسەتىلگەن مەرزىمنەن بۇرىن ۇيلەرگە ساناق وتكىزۋگە ادامدار كەلسە، ونىڭ ۇستىنە جوعارىدا اتالعان ايىرىپ تانۋ بەلگىلەرى بولماسا، وندا دەرەۋ قۇقىق قورعاۋ ورگاندارىنا حابارلاسۋ قاجەت، – دەيدى ستاتيستيكا دەپارتامەنتىنىڭ باسشىسى.

بۇگىندە وبلىستا حالىق ساناعىنان ونلاين رەجيمىندە وتكەن تۇرعىنداردىڭ سانى 220 738 ادامعا جەتكەن.

ونىڭ 195 186-سى تىكەلەي sanaq.gov.kz سايتى ارقىلى، 21 552-ءسى egov.kz پورتالى جانە 4 000-ى Aitu ءموبيلدى قوسىمشاسى ارقىلى ساناق پاراقتارىن تولتىرعان.

ونلاين رەجيمدە ساناقتان وتكەندەردىڭ ەڭ كوبى اتىراۋ قالاسىندا (95 845 ادام) تىركەلسە، اۋداندار اراسىنان قۇرمانعازى (23 384 ادام) مەن جىلىوي (22 083) كوش باستاپ تۇر. ال، تۇرعىنداردى قامتۋ دەڭگەيى جونىنەن قىزىلقوعا، ماقات، يساتاي اۋداندارى الدىڭعى قاتاردا.

وبلىس بويىنشا كورسەتكىش 33,24%-ى قۇرادى.

ونلاين رەجيمىندە ساناق جۇرگىزۋ كەزەڭىندە حالىققا ۇيالى جانە ستاتسيونارلىق نومىرلەردەن Call-ورتالىقتىڭ «1446» تەگىن بىرىڭعاي تەلەفون ءنومىرى ارقىلى ساناق ماسەلەلەرىنە قاتىستى كونسۋلتاتسيا بەرىلەدى.

پىكىرلەر
رەداكتسيا تاڭداۋى