Búgingi sanaqtyń burynǵy sanaqtan aıyrmashylyǵy qandaı?

541

Qazirgi ýaqytta elimizde ulttyq halyq sanaǵy ótip jatyr.

Memlekettiń uzaq merzimdi damý strategııasyn aıqyndaıtyn mańyzdy naýqan 1 qyrkúıek – 30 qazan aralyǵyn qamtıdy. Onyń basty aıyrmashylyǵy elektrondy formatta uıymdastyrylatyndyǵynda.

Ulttyq statıstıka bıýrosynyń Atyraý oblysy boıynsha departamentiniń basshysy Galıa Muhanǵalıevanyń aıtýynsha, Ulttyq halyq sanaǵy www.sanaq.gov.kz mamandandyrylǵan saıtynda ınternet jelisi arqyly onlaın rejımde ótkizilýde. «Egov.kz» veb-portaly jáne «Aitu» mobıldi qosymshasy arqyly da Ulttyq halyq sanaǵynan ótý múmkindikteri qarastyrylǵan.Sonyń ishinde, turǵyndardyń halyq sanaǵynan onlaın rejıminde ótýin qamtamasyz etý maqsatynda, búgingi kúni Atyraý qalasy men aýdandar deńgeıinde 90-nan astam núktede «Halyq sanaǵynan óz betinshe ótý buryshtary» quryldy.

Statıstıka departament basshysynyń túsindirýinshe, jumyspen qamtý ortalyqtarynan aqyly qoǵamdyq jumysqa tartylǵan qyzmetkerler arnaıy oqý kýrsynan ótedi. Olar departamenttiń jaýapty mamandarymen birlesip turǵyndar úshin konsýltaııalyq kómek kórsetedi. Búginde oblys turǵyndary úshin halyq sanaǵynan onlaın rejımde ótýge yńǵaıly jaǵdaılar jasaqtalǵan. Azamattardan talap etiletini – osy múmkindikterdi múlt jibermeı, óz taraptarynan belsendilik tanytsa jetkilikti.

  • Málimetterdi jınaqtaý eki ádispen júzege asyrylady. Onyń birinshisi – mamandandyrylǵan sanaq.gov.kz saıtynda vırtýaldy kómekshiniń járdemimen respondentterdiń turǵan ornyna qaramastan ózdiginen sanaqtan ótýi, ıaǵnı ózi jáne otbasy músheleri úshin sanaq paraqtaryn toltyrýy. Búgingi kúni halyq sanaǵy osy ádispen (ol 1 qyrkúıek – 15 qazan aralyǵyn qamtıdy) júzege asyrylýda.
  • Ekinshisi – úı-jaılardy dástúrli túrde aralaý(1-30 qazan aralyǵy). Munda ıntervıýerler (suhbattasýshylar) qoldaryndaǵy planshetterdi paıdalanyp, respondentterge saýal salýy arqyly elektrondy sanaq paraqtaryn toltyrady. Olar óz jumystaryn (negizinen úılerdi aralaý) sanaýly kúnderden keıin bastaıdy.

Osy rette qala turǵyndaryn alaıaqtardan saqtanýǵa shaqyramyz jáne mindetti túrde tómendegideı belgilerge nazar aýdarýlaryn suraımyz: ıntervıýerdi aıyryp taný úshin olarǵa halyq sanaǵynyń logotıpi beınelengen kók tústi portfel, kók tústi sharf jáne arnaıy kýálik beriledi. Sondaı-aq, suhbattasýshynyń qolynda mindetti túrde planshet bolady. Al, kórsetilgen merzimnen buryn úılerge sanaq ótkizýge adamdar kelse, onyń ústine joǵaryda atalǵan aıyryp taný belgileri bolmasa, onda dereý quqyq qorǵaý organdaryna habarlasý qajet, – deıdi statıstıka departamentiniń basshysy.

Búginde oblysta halyq sanaǵynan onlaın rejıminde ótken turǵyndardyń sany 220 738 adamǵa jetken.

Onyń 195 186-sy tikeleı sanaq.gov.kz saıty arqyly, 21 552-si egov.kz portaly jáne 4 000-y Aitu mobıldi qosymshasy arqyly sanaq paraqtaryn toltyrǵan.

Onlaın rejımde sanaqtan ótkenderdiń eń kóbi Atyraý qalasynda (95 845 adam) tirkelse, aýdandar arasynan Qurmanǵazy (23 384 adam) men Jylyoı (22 083) kósh bastap tur. Al, turǵyndardy qamtý deńgeıi jóninen Qyzylqoǵa, Maqat, Isataı aýdandary aldyńǵy qatarda.

Oblys boıynsha kórsetkish 33,24%-y qurady.

Onlaın rejıminde sanaq júrgizý kezeńinde halyqqa uıaly jáne staıonarlyq nómirlerden Call-ortalyqtyń «1446» tegin biryńǵaı telefon nómiri arqyly sanaq máselelerine qatysty konsýltaııa beriledi.

Pikirler
Redakııa tańdaýy