اتىراۋداعى وبلىستىق اۋرۋحانادان كوروناۆيرۋسپەن ەمدەلىپ جاتقان سوڭعى پاتسيەنت شىقتى

915
Adyrna.kz Telegram

وڭىردە كوروناۆيرۋستىق ينفەكتسيامەن اۋرۋشاڭدىق دەڭگەيىنىڭ تومەندەگەنى بايقالادى، دەپ حابارلايدى اتىراۋ وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتى.

بۇگىن N1 وبلىستىق اۋرۋحاناسى جانىنداعى 230 ورىندىق ينفەكتسيالىق ستاتسيونار جابىلدى. قازىردىڭ وزىندە مەديتسينالىق مەكەمەدەن ءتورت ناۋقاس شىعارىلدى، بۇعان دەيىن ولار پنەۆمونيا جانە وكپە قابىنۋىنىڭ ءارتۇرلى دارەجەسىمەن مەديتسينالىق مەكەمەدە ەم العان بولاتىن. تاعى بەس ناۋقاس اۋرۋحانانىڭ باسقا بولىمشەسىندە كوۆيدتان كەيىنگى وڭالتۋدان وتەدى.

اۋرۋحانا جانىنداعى ينفەكتسيالىق ستاتسيونار شىلدە ايىندا اشىلدى. سول سەبەپتى، ناۋقاستاردى جوسپارلى قابىلداۋدى توقتاتىپ، التى بولىمشەنى باسقا اۋرۋحانالارعا اۋىستىرۋعا تۋرا كەلدى. پاندەميا باستالعاننان بەرى بىزدە 446 ناۋقاس ەمدەلدى، بارلىعى نەگىزىنەن ءوڭىردىڭ ءارتۇرلى ينفەكتسيالىق ستاتسيونارلارىنان اۋىر حالدە ءتۇستى، ولاردىڭ كوپشىلىگى ۇيلەرىنە شىعارىلدى، – دەدى N1 وبلىستىق اۋرۋحاناسىنىڭ باس دارىگەرى ەربول يمانعاليەۆ.

ايتا كەتەيىك، 2021 جىلدىڭ 15 قىركۇيەگىندە اتىراۋ وبلىسىندا كارديولوگيالىق ورتالىق، تەمىرجول اۋرۋحاناسى جانە كوللەدجدەردىڭ ەكى جاتاقحاناسى جانىنداعى ينفەكتسيالىق ستاتسيونارلار جابىلادى.

پىكىرلەر