بيزنەستىڭ جول كارتاسى-2025» كاسىپكەرلەردى قولداۋ مەن دامىتۋدىڭ مەملەكەتتىك باعدارلاماسى شەڭبەرىندە جاڭا بيزنەس-يدەيالاردى ىسكە اسىرۋعا مەملەكەتتىك گرانتتار بەرۋ تۋرالى كونكۋرستىق كوميسسيا وتىرىسى ءوتتى.
كەزدەسۋدە وبلىستىق كاسىپكەرلىك جانە يندۋستريالىق-يننوۆاتسيالىق دامۋ باسقارماسى باسشىسىنىڭ ۋاقىتشا مىندەتىن اتقارۋشى قانىش مامبەتوۆ ءىس-شارانىڭ ماقساتىن ايتىپ ءوتتى.
«جاڭا بيزنەس-يدەيالاردى ىسكە اسىرۋعا مەملەكەتتىك گرانتتار بەرۋ 2013 جىلدان بەرى جۇزەگە اسىرىلىپ كەلەدى. مەملەكەتتىك باعدارلامانىڭ نەگىزگى ماقساتى – جاڭا جۇمىس ورىندارىن قۇرۋ مەن بيزنەس يدەيالاردى ىسكە اسىرۋ. ال، بيىل اتالعان مەملەكەتتىك باعدارلاما شەڭبەرىندە 170 ميلليون تەڭگە كولەمىندە قاراجات قاراستىرىلدى»،-دەگەن ق.مامبەتوۆ، وسى جىلدىڭ 14-22 قىركۇيەك ارالىعىندا كاسىپكەرلىك سۋبەكتىلەرىنەن قۇجات قابىلداۋ جۇمىستارى جۇرگىزىلىپ، ناتيجەسىندە 206 كاسىپكەرلەردەن ءوتىنىم تىركەلگەنىن مالىمدەدى.
كونكۋرسقا قاتىسۋشى جىلىويلىق ايزادا قالۋوۆا كاسىبىن دامىتۋ ءۇشىن بايقاۋعا قاتىسقانىن جەتكىزدى.
«مەن ءتىس دارىگەرىمىن. اۋدانداعى ءتىس ەمحانالارىندا مەن سۇرانىس بەرىپ وتىرعان ارنايى قۇرىلعى جوق. مۇنداي ستوماتولوگيالىق ميكروسكوپپەن ءتىستى 25 ەسە ۇلكەيتىپ كورسەتۋگە مۇمكىندىك بار. قۇرالعا قول جەتكىزسەم اۋدان تۇرعىندارى اتىراۋ قالاسىنا بارىپ، ۋاقىتتارىن جوعالتپاس ەدى. سوندىقتان، ءتىس ەمدەۋگە اسا قاجەتتى اقش-تىڭ ارنايى قۇرالىن الۋعا مەملەكەت تاراپىنان قولداۋ كۇتەمىن»،-دەدى ول.
يندەرلىك انار ءىلياسوۆا جوڭىشقا سورتىن وسىرۋگە نيەتتى. ول ءۇشىن 20 گەكتار جەر دە الىپ قويعانىن، تەك تۇقىم مەن ارنايى قۇرال-جابدىقتار الۋ ءۇشىن قولداۋ سۇرايتىنىن جەتكىزدى.
وسىلايشا، ءبىرى ءۇي قۇستارىن ءوسىرۋ، ءبىرى تىگىن ءىسىن اشۋ، ەندى ءبىرى قوسالقى ءبىلىم بەرۋ، تاعى باسقا دا حالىقتىڭ سۇرانىسىنا يە كاسىپتەرىن جۇرگىزۋگە تالپىنعان 19 كاسىپكەر كونكۋرسقا قاتىستى.
ايتا كەتۋ كەرەك، 2013-2020 جىلدار ارالىعىندا 221,9 ملن. تەڭگە قاراجات ءبولىنىپ، 252 جۇمىس ورنى قۇرىلۋىمەن 116 كاسىپكەردىڭ جوباسىنا مەملەكەتتىك گرانت بەرىلگەن.
