جىل باسىنان بەرى ەلىمىزدە ازىق-تۇلىك باعاسى قىمباتتاپ كەتتى. حالىق جالاقىنىڭ ازدىعىن، ال ازىق-تۇلىكتىڭ نەگىزسىز قىمباتتاعانىن ايتىپ، زار قاعۋدا. ماسەلەن، بيىل باتىس قازاقستان مەن سولتۇستىك قازاقستان وبلىستارىندا ازىق-تۇلىك باعاسى وزگە وڭىرلەرگە قاراعاندا ەداۋىر ارتقان. بۇل تۋرالى قر پرەمەر-ءمينيسترى اسقار مامين قاتىسقان ۇكىمەتتىڭ وتىرىسىندا ايتىلدى دەپ حابارلايدى "ادىرنا" ۇلتتىق پورتالى "primeminister.kz-كە" سىلتەمە جاساپ.
بۇگىن ۇكىمەت باسشىسى تسيفرلىق كەڭسەسىندە ورتالىق مەملەكەتتىك ورگاندار باسشىلارىنىڭ جانە وڭىرلەر اكىمدەرىنىڭ قاتىسۋىمەن الەۋمەتتىك ماڭىزى بار ازىق-تۇلىك تاۋارلارىنىڭ ء(امات) باعالارىن رەتتەۋ ماسەلەلەرى جونىندە كەڭەس وتكىزدى. قازىرگى جاعداي مەن اتقارىلىپ جاتقان جۇمىستار تۋرالى ساۋدا جانە ينتەگراتسيا ءمينيسترى باقىت سۇلتانوۆ، اۋىل شارۋاشىلىعى ءمينيسترى ەربول قاراشوكەەۆ، ۇلتتىق بانك توراعاسىنىڭ ورىنباسارى ءاليا مولدابەكوۆا، باسەكەلەستىكتى قورعاۋ جانە دامىتۋ اگەنتتىگىنىڭ توراعاسى سەرىك جۇمانعارين، نۇر-سۇلتان قالاسىنىڭ اكىمى التاي كولگىنوۆ، قىزىلوردا وبلىسىنىڭ اكىمى گۇلشارا ابدىقالىقوۆا، ماڭعىستاۋ وبلىسىنىڭ اكىمى نۇرلان نوعاەۆ، اقتوبە وبلىسىنىڭ اكىمى وڭداسىن ورازالين باياندادى.
جىل باسىنان بەرى الەۋمەتتىك ماڭىزى بار ازىق-تۇلىك تاۋارلارىنىڭ باعاسى 9,6% ءوستى. وتكەن اپتادا باعانىڭ 0,1 پايىزدىق تارماققا تومەندەگەنى بايقالدى. پاۆلودار، تۇركىستان جانە شىعىس قازاقستان وبلىستارى تاۋارلاردىڭ ازىق-تۇلىك توبىنىڭ جالپى ينفلياتسياعا ۇلەسىن ازايتتى. سونىمەن قاتار ەڭ كوپ ءوسىم باتىس قازاقستان (0,3 پ.ت.) جانە سولتۇستىك قازاقستان (0,2 پ.ت.) وبلىستارىندا تىركەلدى.
تاۋار وندىرۋشىلەردەن ساۋدا جەلىلەرىنە جانە تۇراقتاندىرۋ قورىنا تاۋارلاردىڭ اعىنىن قامتاماسىز ەتۋ ماقساتىندا ۇكىمەت الەۋمەتتىك ماڭىزى بار ازىق-تۇلىك تاۋارلارىن ونلاين-وتكىزۋدى جانە ساتىپ الۋدى قامتاماسىز ەتەتىن B2B پلاتفورماسىن ەنگىزدى.
اتالعان پلاتفورما تاۋار وندىرۋشىلەر مەن الەۋمەتتىك-كاسىپكەرلىك كورپوراتسيالار اراسىندا نارىقتىق ەرەجەلەر بويىنشا ونلاين-ساۋدا-ساتتىق جاساۋعا مۇمكىندىك بەرەدى. بيرجالىق ساۋدا قاعيداتى ەنگىزىلگەن، قاتىسۋشىلار باعا، ساپا، جونەلتۋ جانە جەتكىزۋ مەرزىمدەرى، تولەم شارتتارى تۋرالى كەلىسە الادى. باسەكەلەستىكتى قورعاۋ جانە دامىتۋ اگەنتتىگى الەۋمەتتىك ماڭىزى بار ازىق-تۇلىك تاۋارلارىنا باعانى تومەندەتۋ تۋرالى 68 حابارلاما، مونوپولياعا قارسى زاڭناما بۇزۋشىلىقتارىن جويۋ تۋرالى 20 ۇيعارىم شىعاردى، 8 تەرگەۋ تاعايىندادى، مونوپولياعا قارسى كومپلاەنستىڭ 88 اكتىسىن جاسادى.
نۇر-سۇلتان قالاسىندا، قوستاناي، ماڭعىستاۋ، اتىراۋ جانە باتىس قازاقستان وبلىستارىندا ءامات-قا شەكتى ساۋدا ۇستەمەسىن اسىرعان 35 ساۋدا سۋبەكتىسى جاۋاپكەرشىلىككە تارتىلدى. الماتى قالاسىنىڭ، قاراعاندى جانە شىعىس قازاقستان وبلىستارىنىڭ اكىمدەرىنە ءامات-قا ساۋدا ۇستەمەسىن ارتتىرۋ فاكتىلەرىنە جەدەل دەن قويۋ شارالارىن قابىلداۋ قاجەت ەكەنى اتاپ ءوتىلدى.
پرەمەر-مينيستر وڭىرلەردىڭ اكىمدەرىنە ساۋدا جەلىلەرى مەن وتاندىق تاۋار وندىرۋشىلەر اراسىندا ۇزاق مەرزىمدى كەلىسىمشارتتار جاساسۋدى قامتاماسىز ەتۋدى، «اينالىم» سحەماسىن قارجىلاندىرۋدى جانە تۇراقتاندىرۋ قورلارىنا ازىق-تۇلىك ساتىپ الۋدى ۇلعايتۋ جونىندەگى جۇمىستى جانداندىرۋدى تاپسىردى.
ۇكىمەت باسشىسى الەۋمەتتىك ماڭىزى بار ازىق-تۇلىك ونىمدەرىنىڭ باعاسىن ۇستاپ تۇرۋ بويىنشا جۇيەلى جۇمىس جۇرگىزۋدىڭ جانە جالپى ينفلياتسياعا قارسى ارەكەت ەتۋ شارالارىنىڭ كەشەنىن ءتيىمدى ىسكە اسىرۋدىڭ ماڭىزدىلىعىن اتاپ ءوتتى.
"ادىرنا" ۇلتتىق پورتالى.
