بۇرىنعى عيمارات 1970-1996 جىلدار ارالىعىندا «سولنىشكو» بولىپ ، كەيىننەن جۇمىسىن توقتاتقان ەسكى عيمارات قايتا قالپىنا كەلتىرىلىپ،جاڭا «كۇنشۋاق» اتاۋىمەن ءبىلىم كۇنى قارساڭىندا بۇلدىرشىندەرگە ءوز ەسىگىن ايقارا اشتى. بالاباقشانىڭ كۇردەلى جوندەۋ جۇمىستارىنا وبلىستىق بيۋدجەتتەن 367,2 ملن قارجى ءبولىنىپ، «Golden siti» ءجشس–ى مەردىگەر مەكەمەگە كۇردەلى جوندەۋ جۇمىستارىن جۇرگىزدى. ەندى اۋىلدىقتار ءۇشىن كوپتەن كۇتكەن، بارلىق جاعدايى جاسالعان جاڭا بالاباقشا جۇمىسىن باستادى.
زاماناۋي ۇلگىدە جابدىقتالعان بوبەكجايدا جاتىن، ءدارىس بەرۋ، ويىن، جۋىناتىن بولمەلەرى، اسحاناسى جانە مەديتسينالىق بلوگى بار. سونداي-اق، بالاباقشانىڭ ىشكى جانە سىرتقى ويىن الاڭدارىنا دا ەرەكشە كوڭىل بولىنگەن. ويتكەنى، مۇندا ءبىلىم بەرۋمەن قاتار بۇلدىرشىندەردى سپورتقا باۋلۋعا دا باسا نازار اۋدارىلماق.
ەل يگىلىگىنە بەرىلگەن بالاباقشعا 1 مەن 3 جاس ارالىعىنداعى بۇلدىرشىندەردى قابىلدايمىز. 4 توبىمىز بار. ءار توپتا 17 بالادان تاربيەلەنۋدە. كوپبالالى انالارعا اكىمشىلىك تاراپىنان جەڭىلدىكتەر دە قاراستىرىلعان،-دەدى «كۇنشۋاق» بالاباقشاسىنىڭ مەڭگەرۋشىسى جازيرا قازىبەكقىزى.
"ادىرنا" ۇلتتىق پورتالى
